कम्तीमा विद्यालयबाट राजनीति हटाऔँ, शिक्षा आफैँ सुधार हुन्छः प्रदेश साँसद यादव

न्यूज ब्यूरो, सिरहा । सिरहाको निर्वाचन क्षेत्र नम्बर २ (क) बाट निर्वाचित प्रदेश साँसद सँजय कुमार यादवले समुदायिक विद्यालयको गुणस्तरीयता सुधारको लागि पहलको आवश्यकता औल्याएका छन् ।

“सामुदायिक विधालयमा गुणस्तरीय शिक्षा” विचार गोष्ठी तथा चियापान कार्यक्रममा आफ्नो मनतव्य राख्दै साँसद यादवले सरकारी विद्यालयहरुको वर्तमान अवस्थाप्रति चिन्ता व्यक्त गरे । उनले विद्यालयमा राजनीति पसेपछि मात्र दुदर्शा भएको सुनाए ।

सो निर्वाचन क्षेत्रको बरियारपट्टिस्थित रहेको जनता माध्यमिक विद्यालयमा आयोजना गरिएको चियापान तथा विचार गोष्ठीमा उनले विद्यालयमा राजनीतिकरण गर्दाको परिणाम अहिलेका सन्ततिले भोग्दै आएको बताए । यसलाई विशुद्ध रुपमा राजनीतिरहित बनाउन सबैमा आग्रह गरे ।

निर्वाचन क्षेत्रका विभिन्न विद्यालयका प्रधानाध्यापक, बुद्धिजीवी, शिक्षक शिक्षिका, विद्यालय कर्मचारीसहित जनप्रतिनीधिहरुको सहभागीतामा साँसद यादवले कम्तीमा विद्यालयलाई राजनीतिरहित बनाउनुप्रति जोड दिए ।

उपसचिव सुनिल पासवनको विशेष आतिथ्यमा आयोजना गरिएको सो विचार गोष्ठी तथा शुभकामना आदान प्रदान कार्यक्रममा विभिन्न क्षेत्रका व्यक्तिहरुको सहभागीता रहेको थियो । प्रथम पटक कुनै जनप्रतिनीधिले यस्ता कार्यक्रम गराएको दाबी गरिएको छ ।

कार्यक्रममा जनता मा.वि का प्रधानाध्यापक विरवल यादव, जनता माध्यमिक विधालय दौरीपट्टिका उमेश प्रसाद साह, जनता माध्यमिक विधालय सोनवर्साका प्रधानाध्यापक मुरारी शर्माको विशेष उपस्थिति रहेको थियो ।