खेलकुदमा युवाहरुलाइ आकर्षित गर्दै धनुषाधामका वडाध्यक्ष महतो

धर्मेन्द्र साह, जनकपुरधाम । धनुषाको धनुषाधाम नगरपालिका वडा नम्बर ५ का वडाध्यक्ष ईन्द्र कुमार महतोले ग्रामिण भेकका युवाहरुलाई खेलप्रति आकर्षण बढाउन थालेका छन् ।

वडाको विभिन्न वस्तीका युवाहरुलाई खेलप्रति आकर्षित गरी नगरपालिकासहित वडावासीको पहिचान बनाउने लक्ष्य लिएका छन् । सोही क्रममा खेलाडीहरुलाई समाग्री प्रदान गरेका छन् ।

वडाध्यक्ष महतोले खेलाडिहरुलाई उत्साह बढाउन र खेलकुद तिर आकर्षित गराउन लाखौको खेलकुद सामग्री वितरण गरेका छन् ।

फरक फरक खेलका लागि फरक फरक खेल मैदानहरु पनि तयार गराएर खेलाडीहरुलाई उत्साहित गर्दै आएका वडाध्यक्ष महतोले खेलाडीहरुलाई आवश्य समाग्री प्रदान गरेका छन् ।

साथै समय समयमा नगरपालिका भित्र र बाहिरका विभिन्न खेलाडिहरुसंग प्रतियोगिता गराएर आफ्नो वडाका खेलाडिहरुलाई अभ्यास गराउने र अगाडि बढाउने प्रयास गर्दै आइरहेको छ।

यसै क्रममा आइतवार वडाध्यक्ष महतोले माध्यमिक विध्यालय पृतपुर पर्वताको प्राङ्गन (मैदान) मा वडा स्तरिय फुटबल प्रतियोगिता उद्घाटन गरि खेल सुरु गराएको छ।