समय त अवश्य लाग्ला बुवा
धैर्य राख्नु न पार गर्नेछु त्यो हरेक कठिनाइ
हजुर को हात खुट्टामा परेको छालाको
मल्हम बननु बाकि नै छ,
त्यो तीतो बोलीको प्रहारलाई मिठास बनाउन बाँकी नै छ
समय त अवश्य लाग्ला बुवा
मात्र धैर्य त राख्नु
तयार छु म त्यो काँडाको बाटो हिड्न
यो अँध्यारो रातमा बिहानीको प्रतीक्षा गर्न
यो अनजान सहरमा आफूलाई खोज्न
यो आँखाको आशुलाई मुस्कानमा परिवर्तन गर्न
समय त अवश्य लाग्ला बुवा,
मात्र धैर्य त राख्नु
त्यो हजुरको चाउरी परेको मुहारलाई हँसाउनु बाकी नै छ
आमाको लागी उनलाई मन परेको सारी किन्न बाकी नै छ
हजुरको सिलेको चपल हटाएर नयाँ चपल किन्न बाकी नै छ ,
त्यो हजुरको पसिनाले भिजेको गञ्जीलाई सुकाउन बाकी नै छ
समय त अवश्य लाग्ला बुवा
मात्र धैर्य त राख्नु बुवा
तपाई रातीराती थाकेर सुत्नै न सकेको रात याद छ मलाई
मलाई पैसा पठाउन नपुग्दा त्यो तनाव याद छ मलाई
तपाईँको त्यो हरेक रिसाईमा माया लुकेको था छ मलाई
मेरो हरेक कठिनाइमा मेरो प्रेरणा बनेर उभेको याद छ मलाई
समय त अवश्य लगला बुवा
मात्र धैर्य त राख्नु
बुवाको मुख हेर्नेदिन बुवा बिनाको कस्तो हुन्छ थाहा मलाई
जहाँ भए पनि हजुरको हाथ मेरो सिरमा छ, थाहा छ मलाई
बुवा भएर यतिकै सफल भएकी म
त्यसपछि के सम्भव र के असम्भव सब उस्तै लाग्छ मलाई
समय त अवश्य लगला बुवा
मात्र धैर्य त राख्नु
- २०८१ भदौ २० बिहीबार
