.jpeg)
एजेन्सी । बंगलादेशमा सोमबार प्रदर्शनकारीहरूले धानमन्डीस्थित ‘बंगबन्धु स्मृति जादुघर’ मा तोडफोड र आगजनी गरेका छन् ।
बंगलादेशको राजशाही जिल्लामा शेख हसिनाको पार्टी अवामी लीगको विरासतलाई सजाएर राखिएको यो संग्रहालयमा आगो झोसिएको हो ।
यस संग्रहालयमा राखिएको शेख हसिनाका पिता बंगबन्धु शेख मुजीबुर्रहमानको तस्बिर पनि प्रदर्शनकारीहरूले जलाइदिएका छन्
उता प्रहरी कार्यालयमा पनि भिडले हमला गरिरहेको छ । त्यसका कारण प्रहरी पनि चौकी छाडेर भागिरहेका छन् ।
बंगलादेशको राजधानी ढाकास्थित जतराबाडी, बड्डा, मोहम्मदपुर, अदाबारसमेत कयौँ पुलिस स्टेशनमा सोमबार रातभर हमला र लुटपाट भएको छ।
सोमबार कयौँ चौकीमा आक्रमण भयो । कयौँ स्थानमा आक्रोशित भिड र प्रहरीबीच झडप भएको छ। केही चौकीबाट प्रहरी नै भागेका छन् ।
मंगलबार बिहान बीबीसी बंगलाका संवाददाता मोहम्मदपुर प्रहरी चौकी पुगेर हेर्दा कार्यालय जलेर खरानी भएको देखिएको थियो ।
पुलिस चौकीका केही कोठाबाट धुवाँको मुस्लो देखिएको थियो । पुलिस चौकी परिसरमा जलिरहेका कागज र फर्निचर मात्रै थिए ।
चौकीभित्रबाट पंखा, कुर्सी, टेबलसमेत सबै सामान लुटिएको थियो । सुरक्षा संकटका कारण आइतबार चौकीका तैनाथ प्रहरी भागेर सुरक्षित स्थानतिर लागेका थिए ।
मोहम्मदपुर चौकीकमा एकजना असईले बताएअनुसार कार्यालयभित्रका सबै हतियार, गोला बारुद पनि लुटेर लगिएको छ।
समाचार अनुसार आइतबार राति नै चौकीमा राखिएका गाडी, मोटरसाइकल र चौकीभित्रका सामान पनि लुटिएको हो ।
यो चौकीमा अहिले एकजना पनि प्रहरी छैनन् । सोमबार बड्डा र भटारा चौकीमा पनि आक्रमण गरियो । आगो लगाइएपछि चौकी जलेर खरानी भएको छ।
चौकीबाहिरका गाडीसहितका सामान र भित्र राखिउका सामान सबै जलाइएको छ। स्थानीय सञ्चारमाध्यमका अनुसार ढाकाका मात्रै ५० भन्दा धेरै चौकीबाट प्रहरी भागेका छन् ।
जनकपुरको गँगासागर र धनुषसागर पोखरीको 'हेरिटेज एरिया' खाली गराइने, कहाँ जाला व्यापारीहरु ?
- २०८१ श्रावण २२ मंगलबार
न्यूज ब्यूरो, जनकपुरधाम । जनकपुरधामको ऐतिहासिक एवं धार्मिक पवित्र गंगासागर र धनुषसागरको ‘हेरिटेज एरिया’ खाली गराइने भएको छ । साना व्यवसायीहरुले थापेको पसललाई अन्यत्र सारेर गंगासागर र धनुषसागर क्षेत्रलाई खाली गराउने
पूरा पढ्नुहोस्
