जनकपुरको यो आन्दोलनलाई राजनीतिकरण नगरौँ : युवा नेता यादव

न्यूज ब्यूरो |
जनकपुरधाम, १ असार । मधेस क्रान्ती फोरमका धनुषा जिल्ला सँयोजक एवम् युवा नेता नविन यादवले जनकपुरको वर्तमान आन्दोनलाई राजनीतिकरण नगर्न आग्रह गरेका छन् ।

शुक्रवार न्यूज ब्यूरोसँग कुराकानी गर्दै नेता यादवले जनकपुर अञ्चल अस्पतालको मुद्दाप्रति भइरहेको आन्दोलन सार्वजनिक चासो र सार्वजनिक हितको विषय भएकोले यसलाई राजनीतिक पार्टीसँग जोडन नहुने बताएका हुन् ।

जनकपुर अञ्चल अस्पतालको सेवा, सुविधा र अस्पताल सँचालन प्रणालीलाई सुधारको माग गर्दै ज्ञापन पत्र बुझाउन जाँदा युवाहरु उपर भएको दुव्र्यवहारलाई भत्सर्ना गर्दै पक्राउ गरिएका पाँचै जनालाई शिघ्र निःशर्त रिहा गर्ने लोकतन्त्रको हनन हुने ठहर उनको छ ।

उनले भने, "जनकपुर अञ्चल अस्पतालमा आज मात्र होईन की, बारम्बार यस्ता प्रकृतिका घटनाहरु हुँदै आएको छ । अस्पताल प्रशासनले गम्भिरता पूर्वक नलिएको देखिएकै हो । यस्तोमा जनकपुर ती युवाहरु ध्यानाकर्षण गराउन जानु जायज हो । यसलाई राजनीतिककरण गर्नुहुँदैन , उनीहरुले कुनै पार्टी वा समूहको लागि गएको थिएन । हो हामी सबैको लागि गएको थियो । तर आज तरुण दल, नेपाली काँग्रेस अन्य अन्य पार्टीहरुका व्यक्तिहरु भएको भन्दै राजनीतिक विरोधले युवाहरुको जारी आन्दोलनलाई अँकुश लगाएको छ ।"

पक्राउ गरिएका तरुण दल धनुषाका उपाध्यक्ष राकेश विक्रम सहित अन्य ५ जना युवाहरुलाई निशर्त रिहाईको विकल्प नखोज्नुपर्ने बताएका छन् ।

उनीहरुउपर दायर गरिएको सार्वजनिक अपराधको मुद्दालाई खारेज नगरी रिहा गर्दा रिहाईको कुनै अर्थ नरहने थपे ।

जनकपुरमा पहिलो पटक यस्ता सार्वजनिक विषयमा चासो लिएर युवाहरु एक ढिक्का भएर एकप्रति एक साथ दिँदै आन्दोलनमा सहभागीता जनाउँदा कतै न कतै युवाहरुको एकतालाई राजनीतिक दलहरु नियालिरहेको र एकता तोडने कसरतमा लागिपरेको भन्दै साथ नछोड्न आग्रह पनि गरे ।

"यो युवाहरुले छेडेको आन्दोलन हो , यसलाई राजनीतिकरणबाट टाढै राखौँ, आन्दोलन चरमोत्कर्षमा पुगेको छ, यस्तोमा युवाहरुबीच फुट भयो भने आन्दोलन तुहिने छ ।" उनले थपे ।

जनकपुर अञ्चल अस्पतालमा गत जेठ २७ गते चिकित्सकको लापरवाहीले एक सुत्केरीमो मृत्यू भएपछि जनकपुरका युवाहरु अस्पतालको प्रणाली सुधारको लागि आन्दोलनमा उत्रेका छन् ।