भारतको कश्मिरमा बन्धक बनाईका ३६ नेपालीलाई दुतावासले गरे उद्धार, आलम र साजाद पक्राउ

२०८१ जेठ २ बुधबार
बेलुकी ५:५९ बजे
न्यूज ब्यूरो, डेस्क

न्यूज ब्यूरो, जनकपुरधाम । छिमेकी मुलुक भारतको कश्मिरमा बन्धक बनाईएका तीन दर्जन नेपालीलाई नेपाली दुतावासले नेपाल फर्काउन लागेका हुन् । 

मधेश प्रदेशको धनुषा, महोत्तरी, सर्लाही जिल्लाका विभिन्न स्थानबाट कामको शिलशिलामा भारतको कश्मिर पुरयाईएका ३६ जना नेपालीलाई नेपाली दुतावासले उद्धार गरी नेपाल फर्काउन लागेको हो । 

उनीहरुलाई बन्धक बनाउने काममा संलग्न दुई जनालाई भारतीय प्रहरीले पक्राउ गरेको छ । मुख्तकिम आलम र मो. साजाद पक्राउ परेका हुन् ।

मंगलबार दिल्लीस्थित नेपाली राजदूतावास र सामाजिक संस्था “किन इन्डिया” को समन्वयमा सबै मजदुरलाई कश्मिरबाट उद्धार गरी दिल्ली लगिएको छ । कानुनी प्रक्रिया पूरा गरी नेपाल फर्काउने काम भइरहेको दूतावासले जनाएको छ ।

उनीहरूलाई करिब ३ महिनादेखि बन्धक बनाएको थियो । कश्मिर लगेपछि उनीहरूसँग भएको नगद, नागरिकता र मोबाइल खोसेर ठेकेदारले पारिश्रमिकसमेत नदिइ कुटपिट गरेको, डर, धम्की देखाएर काममा लगाएको पीडितहरूको गुनासो छ ।

उद्धार गरिएका सर्लाहीका दिनेश पासवानले गएको दिन नै कुटपिट गरी मोबाइल, नगद सबै खोसेर काममा लगाएको बताए । उनले भने, ‘खाना पनि राम्रोसँग दिएनन् ।’ त्यस्तै धनुषाका रञ्जित चौधरीले आफूहरूलाई मार्नेसम्मको धम्की दिएको बताए ।

  • 0%
  • 0%
  • 0%
  • 0%
  • 0%
  • 0%

न्यूज ब्यूरोका कार्यकारी सम्पादक यादवको मृत्यू शंकास्पद, CIB जाँच गर

  • २०८१ जेठ २ बुधबार

न्यूज ब्यूरो नेपालका कार्यकारी सम्पादक विनय कुमार यादवको मृत्यू र घटनास्थलको दृश्याँकनले दर्जनौ शंका उत्पन्न भएको छ । मोटरसाईकल दुर्घटना भनिएको सो ठाउँको प्रकृति हेर्दा दुर्घटना जस्तो केही देखिदैनन् ।

पूरा पढ्नुहोस्

Bureau Menus