"सँविधान सँशोधन हुन्छ भने सरकार हामी पनि जान्छौँ" : महन्थ ठाकुर

न्यूज ब्यूरो |
जनकपुरधाम, २८ जेठ । राष्ट्रिय जनता पार्टी (राजपा) नेपाल अध्यक्ष मण्डलका संयोजक महन्थ ठाकुरले संविधान संशोधनपछि मात्र पार्टी सरकारमा जाने दोह¥याएका छन् । भनेर आजको जनकपुरटुडे पत्रिकामा समाचार छ ।

राजपा अध्यक्ष मण्डलका संयोजक महन्थ ठाकुरले नेपाल कम्युनिष्ट पार्टी (नेकपा) को सरकारमा आफूहरुपनि जान ईच्छुक रहेको बताए ।

‘हामीपनि सरकारमा जान ईच्छुक छौ’ उनले भने, तर हामी सरकारमा जाने अहिले निर्णय गरेका छैनौ ।सञ्चारकर्मीहरुसित आईतवार बिहान भएको भेंटमा संयोजक ठाकुरले संघिय सरकारको समर्थन फिर्ता लिने नलिने सम्बन्धमा केहि बोलेनन् ।

संघिय सरकारमा फोरम सहभागि भएपनि प्रदेश नम्बर २ मा फोरम नेतृत्वको सरकारलाई राजपाको समर्थन रहने उनले बताए ।

हरेक पार्टीको ध्येय सरकारमा पुग्ने हो’उनले भने, पार्टी गठन पनि त्यही उद्देश्यका साथ भएको हुन्छ ।’

उनले केपी ओली नेतृत्वको सरकारमा सहभागी हुन संविधान संशोधन हुनुपर्ने अडान चाहिँ परिवर्तन नभएको स्पष्ट गरे ।प्रधानमन्त्री ओलीले आफूलाई व्यक्तिगत रुपमा र पार्टी अध्यक्ष मण्डलका सदस्यहरुसितको सामुहिक भेंटमा सरकारमा सहभागि हुन आग्रह गरेको उनले बताए ।

‘ प्रधानमन्त्री ओलीले हामीलाईपनि सरकारमा सहभागि हुन आग्रह गरेको हो’ उनले भने, संविधान संशोधन नभए सम्म हामी सरकारमा सहभागि नहुने अडान दोह¥यायौ ।’त्यसपछि प्रधानमन्त्रीले हामीलाई सम्पर्क नगरेको उनले दुखेसो पोखे ।

उनले आफूले संविधान संशोधनको ग्यारेन्टी नभएसम्म सरकारमा सहभागी हुन नसकिने जवाफ फर्काएको र त्यसपछि प्रधानमन्त्रीले आफूहरूसँग सरकारमा सहभागिताबारे कुनै छलफल नगरेको खुलाए ।

उनले हिरासतमा रहेका आफ्ना पार्टीका साँसद रेशम चौधरीलाई संसदमा बस्ने वातावरण बनाई दिन सरकारलाई आग्रह गरे ।

सरकारमा सहभागिताको विषयमा फोरम नेपालको आलोचना भईरहेको सञ्चारकर्मीहरुको जिज्ञासामा संयोजक ठाकुरले भने, त्यस्तो कुनै जानकारी आफूलाई नरहेको र यहाँ मात्र त्यस्तो सुनेको बताएको जनकपुर टुडेमा समाचार प्राथमिकताका साथ छापिएको छ ।