लाल आयोगको प्रतिवेदन सार्वजनिक गर्न सदनमै गर्जे सांसद यादव

न्यूज ब्यूरो, सिरहा, २७ जेठ । राजपा नेपाल अध्यक्ष मण्डलका सदस्य तथा सिरहा निर्वाचन क्षेत्र नं. ४ का प्रतिनिधिसभा सांसद राज किशोर यादवले मधेस आन्दोलनको बेला भएको ज्यादति छानविन गर्न गठित लाल आयोगको प्रतिवेदन तत्काल संसद समक्ष पेश गर्न माग गरेका छन् ।

मधेश आन्दोलनमा भएको जनधनको क्षति बारे सत्य तथ्य छानविन गर्न गठित आयोगले शेर बहादुर देउवा सरकार हुँदा बखतनै प्रतिवेदन बुझाए पनि हाल सम्म प्रतिवेदन सार्वजनिक गरिएको छैन् ।

त्यस्तै, नेता यादवले पार्टीका निर्वाचित सांसद रेशम चौधरीलाई हालसम्म के कति कारणले सपथ ग्रहण हुन नसकेको भन्दै तत्काल आवश्यक चाजोपाँजो मिलाएर सपथ ग्रहण गराउन माग गरेका छन् ।