अमेरिकामा मधेशी समुदायको पारम्पारिक होली

न्यूज ब्यूरो, अमेरिका । अमेरिकामा बस्दै आएका नेपाली मूलका मधेशी समुदायले पारम्पारिक होली पर्व मनाएका छन् ।

विदेशिएपछि आफ्नो ठाउँको परम्परालाई निरन्तरता दिँदै परम्पारिक रुपमा होली पर्व मनाएको हो । अमेरिकास्थित पेन्सीलवेनियाँ स्टेटको पिटसवर्गस्थित बस्दै आएका मधेशी समुदायले होली पर्व मनाएको हो ।

फागू पूर्णिमामै हुने विधिवत होलीलाई मध्यनजर गर्दै मधेशी समुदायले आ–आफ्ना परिवारसहित स्थानीयहरुलाई समेत होली खेल्न प्रेरित गरेको त्यहाँ बस्दै आएका राम साहले जानकारी दिए । साहका अनुसार, आफूहरुसहित अमेरिकाका स्थानीयहरुलाई समेत होली पर्वको महत्व र धार्मिकताबारे जानकारी गराउँदै होली पर्व मनाएको हो ।

मधेशी एशोसिएन इन अमेरिका (मा) नामक सँस्थाको आयोजनामा मधेशी समुदायहरुले होली पर्व मनाएको हो । जहाँ होली पर्वमा विकृति बढदै जाँदा अमेरिका बस्ने नेपालीहरुले पारम्पारिक रुपमा होली पर्व मनाएर आफ्नो परम्परा जीवन्त राखेका छन् ।