.jpeg)
न्यूज ब्यूरो, जनकपुरधाम । निजि विद्यालयहरुको संगठन प्याब्सन र एनप्याब्सनको संयुक्त आयोजनामा दुई दिने एथलेटिक्स टुर्नामेन्ट सम्पन्न भएको छ ।
जनकपुरधाम उपमहानगरपालिकाको सहयोगमा श्रीराम जानकी अन्तर्राष्ट्रिय रंगशालामा आयोजित सो एथलेटिक्स टुर्नामेन्टमा जनकपुरधामका २१ वटा निजि विद्यालयहरुको सहभागिता रहेको थियो ।
सो टुर्नामेन्टमा दौड, ज्याब्लिंग थ्रो, शटपुट थ्रो, हाई जम्प र लंग जम्प लगायतका ३ वटा प्रतियोगिता सिनियर ब्याज, सिनियर गल्र्स, जुनियर ब्याज, जुनियर गल्र्स गरी चार क्याटोगरीमा आयोजना भएको छ ।
टुर्नामेन्टमा ट्रयाक अन्तर्गतको दौडमा १ सय मिटर, २ सय मिटर, ३ सय मिटर र ४ सय मिटर दौड प्रतियोगिता आयोजना भएको थियो । सो टुर्नामेन्टमा कक्षा १० सम्मका विद्यार्थीहरुको सहभागिता रहेको एनप्याब्सन धनुषाका अध्यक्ष आशिष झाले जानकारी दिएका छन् ।
सम्पन्न दुई दिने टुर्नामेन्टमा सिनियर ब्याजतर्फ मनोकामना बोर्डिँग स्कूल पहिलो, एर्रे इन्टरनेशनल बोर्डिँग स्कूल दोश्रो, जानकी इग्लिंश बोर्डिँग स्कूल तेश्रो, साउथ प्वाईन्ट बोर्डिँग स्कूल चौथौ स्थान प्राप्त गरेका छन् भने सिनियर गल्र्सतर्फ एर्रे इन्टरनेशन बोर्डिँग स्कूल पहिलो, विद्यापति बोर्डिँग स्कूल दोश्रो ऊँ आरसीएस बोर्डिँग स्कूल तेश्रो र मनोकामना बोर्डिँग स्कूल चौथो स्थान प्राप्त गरेको अध्यक्ष झाले जानकारी दिएका छन् ।
यस्तै जुनियर ब्याजतर्फ एर्रे इन्टरनेशन बोर्डिँग स्कूल पहिलो, जानकी बोर्डिँग स्कूल दोश्रो, मनोकामना बोर्डिँग स्कूल तेश्रो र गार्गी मेमोरियल बोर्डिँग स्कूल चौथो स्थान प्राप्त गरेका छन भने जुनियर गल्र्स जेनिथ बोर्डिँग स्कूल पहिलो, मनोकामना बोर्डिँग स्कूल दोश्रो गार्गी मेमोरियल बोर्डिँग स्कूल तेश्रो र एर्रे इन्टरनेशन बोर्डिंग स्कूल चौथो स्थान प्राप्त गरेको छ ।
एनप्याबसनका नगरअध्यक्ष दिपक ठाकुरको अध्यक्षतामा सम्पन्न टुर्नामेन्टमा विजयी विद्यार्थीहरुलाई समापन कार्यक्रमका प्रमुख अतिथि जनकपुरधाम उपमहानगरपालिकाका मेयर मनोज साह, धनुषा क्रिकेट संघका अध्यक्ष गुडु पाण्डे, एनप्यासबन मधेश प्रदेशका लालजी ठाकुर, जनकपुरधाम १३ का अध्यक्ष जीतनारायण राउत लगायतका व्यक्तिहरुले मेडल तथा ट्रफी प्रदान गरेका थिए ।
२२ वटा विद्यालय सहभागी मध्ये जनकपुर पब्लिक स्कूल पहिलो दिनमै कारवाहीमा परेपछि २१ वटा विद्यालयले मात्र टुर्नामेन्टमा भाग लिन पाएका छन । एक विद्यालयबाट विभिन्न खेलमा गरी ४४ जना विद्यार्थीको सहभागिता रहेको थियो ।
मधेश प्रदेश : सञ्चार ऐन विधेयक पारित
- २०८० फाल्गुण २० आइतबार
न्यूज ब्यूरो, जनकपुरधाम | मधेस प्रदेशसभाले प्रदेश सञ्चार ऐन, २०७७ सर्वसम्मत रुपमा पारित गरेको छ । शुक्रबार बसेको प्रदेससभाबाट ऐन पारित भएको हो । शुक्रबारको प्रदेशसभा बैठकमा मधेस प्रदेश सरकारका गृह
पूरा पढ्नुहोस्
