पार्टी परिवर्तनको तरखरमा सँजय साहका दाहिने हात "नविन यादव"

न्यूज ब्यूरो |
जनकपुरधाम, २५ जेठ । मधेस क्रान्ती फोरम धनुषाका सँयोजक युवा नेता नविन यादव पार्टी परिवर्तन गर्ने तरखरमा रहेका छन् ।

निलम्बीत साँसद सँजय कुमार साहको अति निकटम मानिएका यादव पार्टी परिवर्तन गर्ने खुलासा भएपछि धनुषामा राजनीतिक दलहरुमा कौतुहलता बढेको छ ।

प्रतिनीधि सभा निर्वाचनमा नेपाली काँग्रेसका नेता विमलेन्द्र नीधिलाई सहयोग गरेका यादव आफ्ना साथीसँगत सहित पार्टी परिवर्तन गर्न लागेको बुझिएको छ ।

सँजय साहको दाहिने हात मानिएको यादव पार्टी परिवर्तन गर्न लागेको खवर विभिन्न सँचार माध्यमहरुमा प्रकाशन प्रकाशित भएपछि राजनीतिक उचारचढावबीच खिचातानी समेत सुरु भएको देखिएको छ ।

राजनीतिमा प्रवेश गरेदेखि नै मधेस र मधेसी जनताको हकहितको लागि लडदै आएका नविन तेस्रो मधेस आन्दोलनको क्रममा मृत्यूलाई जितेर आईसकेका छन् ।

आन्दोलनको क्रममा यादवलाई प्रहरीले नियन्त्रणमा लिई ज्यानै जाने गरी घाईते बनाएका थिए । टाउको गम्भिर चोट खेपेका यादव मृत्यूलाई समेत जितेर बाहिर आएका थिए ।

अधिकारको विभिन्न आन्दोलनमा नेतृत्वदायी भूमिका निर्वाह गरेका नविन यादव पार्टी परिवर्तन गर्न लागेपछि राजनीतिक दलका नेताहरुमा चर्काचर्की भएको देखिएको छ ।

सँजय साहको राजनीतिक यात्रादेखि आफ्नो बेग्लै छवि बनाएका यादवसँग जनमास मोटो रहेको भन्दै राजनीतिक दलहरुले आफ्नो पार्टीमा प्रवेश गराउन कसरत समेत थालेका छन् ।

यता, यादवले मधेस र मधेसी जनताको हक, अधिकारको लागि आफूलाई सहज हुने पार्टी छनौट गर्ने बताएका छन् ।

पार्टी परिवर्तनको समाचार बाहिर आएलगत्तै जनकपुरको विभिन्न ठाउँमा यादवको चर्चा जोडतोडले चलेको देखिएको छ । तर यादवले कुन पार्टी प्रवेश गर्ने भन्ने बारे खुलाइएको छैन ।