सत्ता साझेदार गठबन्धनका उम्मेदवार बीच मतदाता संग मलंगवामा “परिच्यात्मक तथा प्रचार प्रसार”

राधेश्याम कुशवाहा, सर्लाही । सत्ता साझेदार गठबन्धनबाट राष्ट्रिय सभा सदस्य पदका उम्मेदवार र सर्लाही जिल्लाको मतदाताहरु बीच “परिच्यात्मक तथा प्रचार प्रसार” कार्यक्रम सम्पन्न भएको छ ।

सर्लाही सदरमुकाम मलंगवा स्थित सुजाता होटेलको पार्टी प्यालेसमा संयुक्त पाँच दलिय गठबन्धनद्वारा सोमवार आयोजित “परिच्यात्मक तथा प्रचार प्रसार” कार्यक्रममा राष्ट्रिय सभा सदस्य पदमा नेपाली काँग्रेसका उम्मेदवार आनन्दप्रसाद ढुंगाना र जनता समाजवादी पार्टी ९जसपा० का उम्मेदवार पुजा चौधरी संग मतदाताहरुको परिच्यात्मक कार्यक्रम सम्पन्न भएको हो ।

“परिच्यात्मक तथा प्रचार प्रसार” कार्यक्रमका प्रमुख अतिथि एवं नेपाली काँग्रेसका सहमहामन्त्री महेन्द्र यादवले सत्ता गठबन्धनको निर्णय र सहमती अनुसार मधेश प्रदेशमा नेपाली काँग्रेस र जनता समाजवादी पार्टीको कोटामा राष्ट्रिय सभा सदस्य पदको लागि नेकाबाट ढुंगाना र जसपाबाट चौधरीलाई उम्मेदवार बनाउने निर्णय अनुसार पाँच पार्टीका मतदाताहरुको साझा उम्मेदवार रहेको हुँदा निजद्धयलाई मतदान गरेर जिताउन पार्टीको स्पष्ट निर्देशन रहेको उनले बताए ।

सोही कार्यक्रममा नेपाली काँग्रेस मधेश प्रदेशका उपसभापति एवं मधेश सरकारमा स्वास्थ्य तथा जनसंख्या मन्त्री रहेका विरेन्द्र सिंहले हाम्रा साझा उम्मेदवारद्वयलाई अमूल्य मत दिई राष्ट्रिय सभामा पठाउने पार्टीका निर्णयलाई अक्षरस रुपमा पालना गर्नुपर्ने जिकिर गर्दै मधेश प्रदेशबाट पाँच दलका शिर्ष नेताहरु बीच भएको सहमतीलाई पूर्ण रुपमा सघाएर राष्ट्रिय सभामा पठाउने प्रतिबद्धता जनाए ।

नेपाली काँग्रेस सर्लाहीका सभापति सुरेन्द्र प्रसाद सिंहको अध्यक्षतामा सम्पन्न “परिच्यात्मक तथा प्रचार प्रसार” कार्यक्रममा उम्मेदवारद्वय आनन्दप्रसाद ढुंगाना र पुजा चौधरी, जसपाका केन्द्रीय सदस्य तथा मधेश सरकारको मन्त्री शेख अबुल कलाम अजाद, नेपाली काँग्रेसका केन्द्रीय सदस्य मोक्ता यादव, सोनीकुमारी मोक्तान, निर्मला देवी रमण, जसपा केन्द्रीय सदस्य किरण ठाकुर, नेका पर्सा उपाध्यक्ष नुतन देवी, सन्तलाल चौधरी गुजरा नपा प्रमुख लगायत पाँचै दलका केन्द्रीय सदस्य, जिल्ला सभापतिहरु, उपसभापतिहरु, महत्वपूर्ण पदमा रहनु भएका सदस्यहरु, मेयरहरु लगायत बहुसंख्य मतदाताहरुको उपस्थिति रहेको नेपाली काँग्रेस मधेश प्रदेश प्रचार प्रसार विभागको प्रमुख नितेशकुमार गुप्ताले जानकारी दिए ।