गँगासागर सफाईपछि जनकपुरलाई प्लास्टिकमुक्त बनाउन निस्के समाजसेवी "यादव"

न्यूज ब्यूरो |
जनकपुरधाम, २२ जेठ । गँगासागर सफाई अभियानको सफलतापछि जनकपुरको मुहार फेरिएको छ ।

भारतको बनारसपछि जनकपुरमै सँचालन भएको महागँगा आरतीको सँस्थापक समेत रहेका जनकपुरका समाजसेवी एवम् प्रदेश २ का प्रदेशसभा सदस्य राम अशिष यादव पुनः नयाँ अभियान लिएर निस्केका छन् ।

जनकपुरको सरसफाईमा दिनरात खटिरहेका समाजसेवी यादव जनकपुरलाई प्लास्टिक झोलामुक्त गर्न अभियानको थालनी गरेका छन् ।

प्रदेश २ को अस्थायी राजधानी एवम् पवित्रताको धनि मानिएको जनकपुरलाई सफाई र स्वच्छताको दृष्टिकोणले प्लास्टिक झोलामुक्त अभियानको थालनी गरेका हुन् ।

मँगलबार विश्व वातावरण दिवसको अवसरमा सफाई सहित कपडाको झोला समेत वितरण गरेका छन् ।

जनकपुरलाई प्लास्टिक मुक्त अभियान अन्तर्गत जनकपुरधाम साप्ताहिक रुपले यस अभियानलाई तिव्रता दिइने बताइएको छ ।

जनकपुरमा राम अशिष यादवलाई एक कुशल र निस्वार्थ भावनाका समाजसेवीको रुपमा चिनिन्छ । जनकपुरको मुहार फेर्नेमा यादव सहित उनको टिमको अविस्मरणीय योग्दान रहेको छ ।