सिडिओ कार्यलय अगाडीबाटै मोटरसाइकल चोरी

न्यूज ब्यूरो, सर्लाही । जिल्ला प्रशासन कार्यलय सर्लाही अगाडिबाट मोटरसाइकल चोरी भएको छ । जिल्ला प्रशासन कार्यलयको पश्चिमी दक्षिणी छेउमा पार्किङ गरि राखेएको बिआर ०६ बिजि ८२६२ भएको कालो ब्लु रङ्गको भारतीय नम्बर प्लेटको मोटरसाइकल चोरी भएको हो ।

जिल्ला प्रशासन कार्यलयमा वैदेशिक रोजगार सम्बन्धि ठगीको विषयमा छलफलका लागि आएका कौडेना गाउँपालिका वार्ड(६ मोतिपुर निवासी राजन साहको मोटरसाइकल चोरी भएको हो ।

वैदेशिक रोजगारको ठगी सम्बन्धि छलफलका लागि बिहान ११बजेको समयमा मोटरसाइकल पार्क गरि छलफलका सिडिओ कार्यलयको भित्र गएको पिडित राजन साहले बताए ।

उनका अनुसार छलफलबाट ३ बजेको समयमा गाडी हेर्न जादा गाडी पार्किङ गरेको ठाउँमै थियो तर फेरि कार्यलयमा पुगेर केही समयमै फर्किदा गाडी पार्किङ गरेको ठाउँमा नरहेको उनले दुखेसो पोखे ।

हजारौंका संख्यामा सेवाग्राही आउने सिडिओ कार्यलयको पार्किङ स्थलमा सिसिटिभी नभएको उनले गुनासो गरे ।

पार्किङ स्थलमा सिसिटिभी नभएको र प्रहरीले समेत निगरानी नगरेको भन्दै स्थानीय प्रशासन लापरबाहीका कारण मोटरसाइकल चोरी भएको भन्दै सेवाग्राहीहरुले आक्रोश पोखे । उनीहरुले पार्किङ स्थलमा सिसिटिभी लगाई प्रहरीको निगरानी बढाउनु पर्ने समेत माग गरे ।

हजारौंको संख्यामा दिनहुँ चहलपहल हुने जिल्ला प्रशासन कार्यलय सर्लाहीमा मोटरसाइकल तथा हेलमेटको चोरी हुदै आएको छ । पार्किङ स्थलमा सिसिटिभी जडान तथा प्रहरीको निगरानी बढाई चोरीमा संलग्न व्यक्तिहरुलाई कानुनीको दायरामा ल्याउनका लागि स्थानीय प्रशासन उदासिन रहदै आएको सेवाग्राहीहरुको आरोप रहेका छन ।