भोली सार्वजनिक विदा

न्यूज ब्यूरो, जनकपुरधाम । भोली एक दिनको लागि प्रदेश सरकारले सार्वजनिक विदा दिने भएको छ ।

रामजानकी विवाह महोत्सव अर्थात विवाहपँचमी महोत्सवको अवसरमा मधेश प्रदेश सरकारले भोली आईतबार सार्वजनिक विदा दिने भएको छ ।

प्रदेश सरकारको राजपत्रमा प्रकाशित २०८० सालको विदाहरुको सूचिमा पुस १ गते विवाहपँचमीको अवसरमा एक दिने सार्वजनिक विदा हुने भएको छ ।

मधेश प्रदेशको पहिचान र विश्वप्रसिद्ध रहेको जानकी मन्दिरसहित जनकपुरधाममा भव्य विवाहपँचमी मेला लाग्ने भएपछि प्रदेश सरकारले भोली आईतबार सार्वजनिक विदा दिने निर्णय गरेको हो ।

भोली आईतबार सरकारी कार्यालयहरु बन्द रहने छ भने केही बैँकहरु भने सँचालन नै रहने जनाईएको छ ।