सिरहामा बस र मोटरसाइकल ठोक्किदा २ गम्भीर

बिनय यादव, सिरहा, २० जेठ । सिरहामा बस र मोटरसाइकल ठोक्किदा मोटरसाइकलमा सवार २ जना गम्भीर घाइते भएका छन् ।

महेन्द्र राजमार्ग अन्तर्गत सिरहाको नरहा गाँपा ३ नयाँ चोक चोहर्वास्थित सनिवार राती करिब ९ बजे पुर्वबाट पश्चिम जाँदै गरेको ना. ७ ख. ९५४ नम्बरको बसले बिपरित दिशाबाट आउँदै गरेको ना. ५३ प. १४६८ नम्बरको मोटरसाइकललाई ठक्कर दिएको हो ।

ठक्करबाट नरहा ३ का १७ वर्षीय सुरेश यादव र सिरहा नपा १९ का मुकेश यादव गम्भीर घाइते भएका हुन् । घाइते दुबैको बिराटनगरस्थित म्याक्स अस्पतालमा उपचार भइरहेको छ ।

यता, ठक्कर दिने बस र चालकलाई ईलाका प्रहरी कार्यालय मिर्चैयाको नियन्त्रणमा राखिएको ईप्रका मिर्चैयाले जनाए ।