जनकनन्दिनी गाउँपालिकाको नयाँ अधिकृतमा झा

न्यूज ब्यूरो, जनकपुरधाम । पूर्वी धनुषाको जनकनन्दिनी गाउँपालिकाको नयाँ प्रमुख प्रशासकीय अधिकृतको सर्वजीत कुमार झा हाजिर भएका छन् ।

जनकनन्दिनी गाउँपालिकामा अधिकृत झा चौथो अधिकृतको रुपमा हाजिर भएका हुन् । यसअघि सोही गाउँपालिकाका अयोधी दासले कुशल कार्यसम्पादन गरी कार्यभार सम्हाल्दै आएका थिए ।

आईतबार एक समारोहबीच गाउँपालिकाका अध्यक्ष दिपिनदेव यादवले उनलाई स्वागत गरेका छन् । गाउँपालिकाका कर्मचारी, जनप्रतिनीधि, कार्यपालिका सदस्यहरुले सँयुक्त रुपमा अधिकृत झालाई माला अबिर लगाएर स्वागत गरेका हुन् ।

यसअघि सप्तरीको राजगढ गाउँपालिकामा कार्यभार सम्हालेका अधिकृत झाले आईतबारदेखि विधिवत रुपमा जनकनन्दिनी गाउँपालिकाको कार्यभार सम्हालेका हुन् ।

सो क्रममा गाउँपालिका अध्यक्ष यादवले अधिकृत झासँग जनप्रतिनीधि, कर्मचारीबीचको समन्वयकारी भूमिका निर्वाह गरी कुशल कार्यसम्पादनसहित शून्य बेरुजुको लागि कामको अपेक्षा गरे ।

जनकनन्दिनी गाउँपालिकामा अधिकृतको रुपमा अहिलेसम्म अयोधी दास सबभन्दा अधिक समय कार्य सम्पादन गरेका हुन् ।