मोटरसाईकल ठक्कर हुँदा खसेका युवकलाई बसले किच्यो, घटनास्थलमै मृत्यू

मृतक युवकको अझै सनाखत नभएको प्रहरीले जनाएको छ। उनको शव पोस्टमार्टमको लागि प्रादेशिक अस्पताल मलंगवामा राखिएको छ। तीव्र गतिमा रहेको प्र२ ०३ ००६ प ६७ मोटरसाइकल र बा २ ब ५७६६ नम्बरको मोटरसाइकल आपसमा जुध्दा प्र२ ०३ ००६ प ६७ नम्बरको मोटरसाइकलमा सवार युवक सडकमा खसेका थिए। त्यहीबेला मलंगवाबाट काठमाडौँ तर्फ जाँदै गरेको ना७ ख १८३६ नम्बरको बसले किच्दा युवकको घटनास्थलमै मृत्यु भएको सर्लाहीका डीएसपी दीपेन्द्र पञ्जियारले नेपालखबरलाई जानकारी दिए। दुर्घटनापछि बसका चालकलाई प्रहरीले नियन्त्रणमा लिएको छ।

न्यूज ब्यूरो, डेस्क

२०८० मंसिर १७ आइतबार, बिहान १०:०२ बजे·१ मिनेट पढाइ