बजेट तथा कर्मचारी बाडँफाडमा कुरा नमिल्दा चन्द्रनगरका गाउँसभा अन्यौल

राधेश्याम कुशवाहा, सर्लाही । सर्लाहीको चन्द्रनगर गाउँपालिकामा आपसी मतभेद र विवादका कारण गाउँसभा तथा बजेट पारित हुन नसक्दा गाउँपालिका विकास निर्माण कार्य अवरुद भएको छ ।

गाउँपालिका अध्यक्ष तथा उपाअध्यक्ष सहितका विपक्षी जनप्रनिधिहरु बिच जारी विवादका कारण सावन, भर्दौ हुदै असोज मशान्तसम्म आइपुग्दा पनि गाउँसभा हुन सकेका छैन ।

गाउँसभा हुन नसक्दा शिक्षक तथा कर्मचारीहरुले दसैंमा समेत तलब पाउनबाट बन्चित भएका छन, भने गाउँपालिकामा हुने विकास निर्माणका कार्यहरु पूर्ण रुपमा ठप्प भएका छन।

चन्द्रनगर गाउँपालिकाको आर्थिक बर्ष २०८०/८१ को वार्षिक योजना तथा बजेट पारित नभएकाले गर्दा आम जनसमुदायलाई सेवा प्रवाह गम्भीर रुपमा प्रभावित हुन थालेको, जनताको विकास र समृदिका लागि आवश्यक कार्य अवरुद्व भएको तथा कार्यरत कर्मचारी, शिक्षकलाई समयमा तलब प्रदान गर्न नसकेको दुख लाग्दो परिस्थितिलाई अन्त्य गर्न तथा यस गाउँपालिकाको जनताको समतामूलक र उत्पादनमुलक दिगो विकासको चाहना लाई पुरा गर्न सर्वपक्षिय बैठक बोलाउदा कथित विकास विरोधि व्यक्तिहरु पार्टीको बैठक रहेको भन्दै दुष्प्रचार गरी जनप्रनिधिलाई भेलामा सहभागि हुन रोक लगाउनु र जनतालाई भ्रमिक हुने काम गर्नु खेद जनक रहेको चन्द्रनगर गाउँपालिकाका गाउँपालिका अध्यक्ष राजकुमार महतोले टिप्पणी गरे ।

गाउँपालिकाको गाउँसभा तथा बजेट निर्माणका लागि चन्द्रनगर गाउँपालिकाको लेटरपेडमा मैले गाउँपालिका अध्यक्षको हैसियतले स्वयम हस्ताक्षर सहितको चिठी सबै पार्टीका प्रतिनिधि तथा मुख्य कार्यकर्ता पक्ष, विपक्ष, पार्टी जाति, धर्म लिंग केही नहेरी ५ सय भन्दा बढी व्यक्तिहरुलाई कार्यक्रममा उपस्थितिका लागि निमन्त्रणा पठाएको उहाँको भनाई छ ।

गाउँसभा समयमा नहुदाँ गाउँभरिका कर्मचारी, शिक्षक तथा स्वास्थ्यकर्मी सहितका कर्मचारीहरुले दसैंमा समेत तलब पाउन सकेका छैन । शैक्षिक तथा स्वास्थ्य संस्था, वडाकार्यलयबाट प्रदान गरिने अतिआवश्यक सेवा समेत प्रभावित हुदै आएको छ ।

बजेट आभावमा स्वास्थ चौकीमा औषधी खरिद, विद्यालयमा नियमित पठनपाठन तथा विकास निर्माण कार्य समेत अवरुद हुँदै आएको छ ।

मैले सर्वपक्षिय बैठकमा पालिका भरिका जनता बोलाएर उहाँहरुको बिचमा उभिन साहस गरेको छु, अध्यक्ष महतोले भने । मैले गरेको गल्ती, कमिकमजोरी छ भने जनताले मलाई भनोस । मैले कुनै पनि गल्ती या मेरो कुनै पनि कमजोरी छ भने जनताले मलाई मुखमा आएर सबै जनताको सामु भनोस । मैले गरेको गल्तीलाई स्विकार्य र कमिकमजोरीलाई अगामी दिनमा सुधार गरी अगाडी बढन तयार रहेको ठोकुवा गरे ।

सर्वपक्षीय बैठकमा विपक्षी जनप्रतिनिधिहरु अनुपस्थित रहेको कार्यक्रममा बोल्दै अध्यक्ष महतोले आज रहर र खुशिले हैन बाध्यताले बस्नुपरेको बताउदै असार महिनादेखि आश्विन सम्म ३ महिना बितिसक्दा पनि चन्द्रनगर गाउँपालिकाका योजना तथा बजेट निर्माण हुन सकेका छैन ।
बजेट पारित त टाढाको कुरा हो, गाउँसभा समेत हुन सकेका छैन । उनले भने । जनप्रनिधिहरु समेत यस विषयमा गम्भिर भएर बस्न र आउन नचाहको उनले गुनासो गरे ।

असार मशान्तसम्म गाउँसभा पारित हुन नसक्नु दुभाग्यवश रहेको उनले टिप्पणी गरे ।

असार महिनामा गाउँसभाका लागि ३९ वटै जनप्रतिनिधिलाई ३ वटा पठाएको छु । एक वटा कार्यपालिका बैठकका लागि काटेपनि गाउँसभाका लागि जनप्रतिनिधि उपस्थित नहुदाँ गाउँसभा तथा बजेट पारित हुन सकेका छैन । सावन, भर्दौ र आश्विन महिनासम्म आईपुग्दा गाउँसभाका लागि अध्यक्षबाट पटकपटक पहल हुदै आएपनि पनि दोस्रो पक्षबाट उदासिन हुदाँ प्रयास विफल हुदै आएको उहाँले बताए ।

गाउँसभा नहुदाँ वडाकार्यलय लगायत गाउँपालिकामा विभिन्न सेवा वापत काटिने दस्तुर समेत गैरकानुनी रहेको छ । स्थानिय सरकारबाट आर्थिक ऐन तथा विनियोजन ऐन पारित नगरेसम्म राजस्व दस्तुर उठाउन नसकिने संवैधानिक व्यवस्था भएपनि कार्यपालिकाको ८÷१० जना व्यक्ति बैठक बसेर काम सुरु गरेको आरोप लगाए ।

मैले प्रमुख प्रशासकिय अधिकृत सहित जनप्रतिनिधि लाई विना ऐन पारित गरी दस्तुर उठाउनु गैरकानुनी कार्य भइरहेको जानकारी गराए । उहाँले भने । हामीले आर्थिक तथा विनियोजन ऐन पारित गरी कानुनसम्बत दस्तुर उठाउनुस । विवाद छ भने बजेट पारित नगर्नुस तर उहाँहरुले कुरै सुन्नुभएन ।

जनताको सेवा अवरुद हुदै आएको जनताले जुन सपना लिएर जनप्रतिनिधिलाई बुहमतले नेतुत्वमा ल्याएको छ । चन्द्रनगर सुखि र समृधिका लागि ति सपनाहरुमाथि प्रहार भइरहेको छ ।

चन्द्रनगर गाउँपालिका ३९ वटै जनप्रतिनिधिका साथै सबै दलका प्रमुख तथा मुख्य कार्यकर्ताहरुलाई गाउँसभा तथा बजेट निर्माणका लागि सर्वपक्षिय भेलाका लागि पक्ष, विपक्ष, पार्टीजाति कसैलाई पनि नछुटयाई चिठी प्रदान गरी बैठकका लागि शिक्षक, कर्मचारी, स्वास्थ्यकर्मी,बुदजिवि नागरिक समाज युवा लगायतका गाउपालिका भरीका ५०० भन्दा बढी लाई आव्हान गरेपनि कार्यक्रममा उपस्थित हुन चाहेको दुखेसो पोखे ।

गाउँपालिका सकस र संकटमा छ । हामी र असन्तुष्ट पक्ष दुवैलाई जनताले जिताएर पठाएका कारण जनताको काम, शिक्षक तथा कर्मचारीको तलब, किन मिल्दैन, जनताको विकास किन अवरुद रहन्छ, अध्यक्ष महतोले प्रश्न गरे ।

उहाँहरुको कुनै माग, डिमाण्ड, गुनासो र समस्या छन भने जनताको बिचमा आउने हिम्मत र आँट मैले गरेको छु, मेरोमा कुनै पनि कमि र त्रुटी छ भने तपाईहरु सभ्य रुपले राख्नुस र आआफनो समस्या र गुनासो राख्नुस, प्रश्न र सरसल्लाह सहित सुभाव राख्नुस । मेरो गल्ती र कमी छ भने म सुधार र सच्याउन तयार रहेको उहाँको भनाई छ ।

हामी विवाद सुल्झाउन सकेनौं तर जनता सुल्झाउन सक्छ । जनताले नै सबैलाई जिताएर पठाएका कारण जनताको बिचमा आउन के को समस्या छ । अध्यक्ष महतोले भने । चन्द्रनगर गाउँपालिकाका जनताले नै विकास विरोधी तत्वहरुलाई सबक सिकाई समयमै गाउँसभा र पारित गरी आफनो गाउँठाउँका विकास निर्माण र स्थानिय तहबाट दिइने सेवा सुविधालाई निरन्तरता दिलाउन उहाँले आग्रह समेत गरे ।

बजेट बाडफाँड र कर्मचारी भर्नामा विपक्षीहरु महत्वाकाक्षी हुदाँ गाउँसभा समयमा हुन नसकेको स्थानिय जेतनारायण मुखियाले आरोप लगाए । उहाँहरुलाई अध्यक्षले मनपरी बजेट चलाउन र कार्यकर्ता भर्नामा रोक लगाएका कारण गाउँसभा र बजेट पारित ढिलासुस्ती गरी गाउँपालिका अध्यक्षमाथि दबाब बनाउने खोजिएको उहाँको भनाई छ । उनीहरुले शिक्षक, स्वास्थ्यकर्मी तथा कर्मचारी भर्नामा सिट बाँडफाड खोजेका छन तर गाउँपालिका अध्यक्षले कर्मचारी नियूक्तिलाई पारदर्शी र बजेट निर्माण जनतालाई आवश्यकता अनुसार निर्माण गर्ने अडानमा रहेका कारण गाउँसभा हुन नसकेको जिकिर गरे ।

जिल्लाका कुनै पनि स्थानिय तहमा गाउँसभा तथा बजेट पारित नगरी विकास निर्माण अवरुद गरी जनतालाई दुख दिने कार्यलाई जिल्ला समन्वय समिति सर्लाही सभापति कौशलकिशोर सिंहले घोर भत्र्सना गरे । जनताले कुनै पनि पार्टीका व्यक्तिलाई नेतुत्वमा विकास गर्न पठाएको कारण चुनाव पछि पार्टीगत गुटबन्दी र देष भावका कारण विकासलाई प्रभावित गर्नु कदापि उचित होइन, राजनितिक अलग विषय हो । निर्वाचित जनप्रनिधि राजनितिक कारण गाउँपालिका भरिका विकास निर्माण कार्य ठप्प बनाउनु राम्रो होइन, सभापति सिंहले भने ।

चन्द्रनगर गाउँपालिकाको गाउँसभा बारे कुनै पक्षसंग अधिकारिक रुपमा बसेर छलफल नभएको तर मैले गाउँसभा बारे उपाध्यक्षलाई फोन गरी समयमा गर्नका लागि कुराकानी गरेको छु । अध्यक्ष महतोले पनि ८(९ दिनअघि फोन गरी यसबारे जानकारी गराउनु भएको छ । म एउटा कार्यक्रमा थिए । चन्द्रनगर गाउँपालिका गाउँसभा पनि समयमै पारित भई विकास निर्माण कार्यले निरन्तरता पाओस भनी मेरो प्रयास रहिरहने उनले प्रतिबदतता व्यक्त गरे ।