अधिकृतको दुश्मनीका शिकार भएका शिक्षक पासवानले पाए न्याय, नगरपालिकामै व्यवस्थापन

न्यूज ब्यूरो, बारा । बारा जिल्लाको जीतपुर सिमरा उपमहानगरपालिकाको शिक्षा अधिकृतको दुश्मनीका शिकार भएका शिक्षक ब्रम्हदेव पासवानलाई नगरपालिकामै व्यवस्थापन गरिएको छ ।

श्री नेपाल राष्ट्रिय माध्यमिक विद्यालयमा अध्धयन अध्ययान गराउँदै आएका शिक्षक पासवानलाई शिक्षा शाखा प्रमुख एवम् वर्तमान निमित्त प्रमुख प्रशासकीय अधिकृत शिवजी प्रसाद साहले व्यक्तिगत रिसबईका कारण उनलाई दुर दराजको गाउँमा पठाएपछि उनी बिच्चलीमा परेका थिए ।

अधिकृत साहले व्यक्तिगत रिसबीकै कारण शिक्षक पासवानलाई उनलाई अपायक पर्ने ठाउँ हरपुर सरुवा गरी उनलाई हाजिरी समेत हुने नदिने गरी याताना दिएको थियो । केही पत्रकारहरुको सम्पर्कमा आएका शिक्षक पासवानको समस्या समाजिक सँजाल र केही सँचारमाध्यमहरुमा आएपछि जीतपुर सिमरा उपमहानगरपालिकाका मेयर राजन पौडेलले उनलाई नगरपालिकामै व्यवस्थापन गरेको बताएका छन् ।

निमित्त कार्यालय प्रमुख शिवजी प्रसाद साहले शिक्षक पासवानसँग रुष्ट हुँदै आएका थिए । विद्यालयमा विगत ३९ बर्षदेखि पढाउँदै आएका शिक्षक पासवानलाई ईमान्दारिताकै कारण शिक्षा अधिकृत एवम् प्रशासकीय अधिकृत समेत रहेका शिवजी साहले उनलाई अधिकारको गलत प्रयोग गरी सरुवा गरिदिएको आरोप छ ।

न्यूज ब्यूरोसँगको कुराकानीमा शिक्षक पासवानले भने –“म दुधको दुध, पानीको पानी बोल्छु, जे बोल्नु छ मुखमै बोल्छु, ३९ बर्ष भयो सरकारी सेवामा, कहिँ कतै दाग लागेको छैन् । तर अवकाश लिने बेलामा मसँग गरिएको ज्यादती र व्यवहारले म धुरु धुरु रोएको हुँ । अधिकृत साहेबको मसँग साँचो बोलेकै कारण दुश्मनी भएको जस्तो महसुस भएको छ । त्यसैले उहाँ मलाई सरुवा गरेर षडयन्त्र पूर्वक हाजिरी समेत हुन दिनुभएन् । तर मेयर साहब ईमान्दार हुनुहुन्छ उहाँले नगरपालिकामै व्यवस्थापन गर्नुभएको छ । अब मेरो तलब कहि कतै जाँदैनी खुसी छु । तपाईहरुलाई धन्यवाद छ ।”

मेयर पौडेललाई धेरै जनाले समाजिक सँजाल मार्फत पनि उनको समस्या टयाग गरेपछि मेयर एक्सनमा आएको थियो । शिक्षक पासवानको तस्विर भाईरल बनेपछि उनलाई शनिबारकै दिन पछिल्लो मितिमै हाजिरी गराएको हो ।