मालपोत कार्यालयका दुई कर्मचारी घुससहित रँगेहात पक्राउ

न्यूज ब्यूरो, सुनसरी । अख्तियार दुरुपयोग अनुसन्धान आयोगको कार्यालयले सुनसरी मालपोत कार्यालयका दुई कर्मचारीलाई घुससहित रँगेहात पक्राउ गरेको छ ।

अख्तियार दुरुपयोग अनुसन्धान आयोगको ईटहरीबाट खटेको टोलीले सुनसरीस्थित भूमि सुधार तथा मालपोत कार्यालयका नायब सुब्बा र अन्य एक कर्मचारीलाई घुससहित रँगेहात पक्राउ गरेको हो ।

शुक्रबार दिउँसो सेवाग्राहीसँग घुस मागेको सूचना तथा उजुरीको आधारमा टोलीले मालपोत कार्यालयका नासु सुदिप कटुवाल र रमेश अधिकारीलाई पक्राउ गरेको हो । मालपोत कार्यालयको रजिष्टरेश शाखा (ख) मा कार्यरत दुवै जनालाई एक होटेलबाट पक्राउ गरेको हो ।

दुवै जना के कति घुस लिएर पक्राउ गरेको बारे टोलीले खुलाउन मानेनन भने थप जानकारी अख्तियारको केन्द्रीय कार्यालयले केही बरेमा सार्वजनिक गर्ने बताईएको छ ।