जनकपुरमा ३१ वर्षपछि ह्याण्डबल प्रतियोगिता हुँदै

कुलदीप दास |
जनकपुरधाम, ९ जेठ ।
करिव ३१ वर्षको अन्तराल पछि जनकपुरमा ह्याण्डबल प्रतियोगीता हुने भएको छ ।

२०४४ सालमा जनकपुरमा क्षेत्रीय स्तरको प्रतियोगीता भएकोमा जेष्ठ १५ देखि १८ गते सम्म चारदिन जनकपुरधाममा राष्ट्रिय स्तरको महिला ह्याण्डबल प्रतियोगीताको आयोजना हुन गइरहेको जिल्ला ह्याण्डबल संघ धनुषाले पत्रकार सम्मेलनको आयोजना गरि जानकारी गराएको छ ।

प्रथम राष्ट्रिय महिला ह्याण्डबल प्रतियोगीता २०७५ नामाकंरण गरिएको सो प्रतीयोगितामा पाँच विकास क्षेत्रवाट पाँच, विभागिय टोली त्रिभुवन आर्मी क्लव र शस्त्रप्रहरी र आयोजक प्रदेश नं। २ को टिम गरि कुल ८ टिमको प्रतियोगीतामा सहभागिता रहने संघका अध्यक्ष विलमेश सिंहले बताए ।

प्रतियोगीतामा प्रथम हुने टिमलाई ५१ दोस्रो हुने टिमलाई ३१ र तेस्रो हुने टिमलाई २१ ह्जार नगद सहित ट्रफी प्रदान गरिने छ । ह्याण्डबल प्रतियोगीताको यो पुरस्कार राशी अहिले सम्मकै सर्वाधिक रहेको दावी गरिएको छ ।

प्रतियोगीतामा कुल २४ लाख ३० हजार खर्च हुने समेत जनाइएको छ । प्रतियोगीताको संयोजकमा सरोज मिश्रलाई चयन गरिएको छ । पत्रकार सम्मेलनमा ह्याण्डबलका राष्ट्रिय खेलाडी तथा अन्तराष्ट्रिय गोलकिपर पवन कुमार कर्णको समेत उपस्थिती थियो ।