मिथिला बिहारी नगरपालिकाले मनायो राष्ट्रिय धान दिवस

न्यूज ब्यूरो, जनकपुरधाम । धनुषाको मिथिला बिहारी नगरपालिकाले रोपाइँ गरेर राष्ट्रिय धान दिवस र असार १५ मनाएको छ ।

नगरपालिकाको वडा नं ६ विभिन्न प्रजाति नमुनाका रुपमा रोपाइँ गरेर धान दिवस मनाएको हो । उन्नत जातहरुमध्ये धान राम्रो फल्नेमध्ये आगामी वर्ष त्यही जातको धानलाई रोप्नका लागि कृषकलाई उत्प्रेरित गरिने नगरपालिकाले जनाएको छ ।

सो अवसरमा मेयर राजेन्द्र प्रसाद यादवले स्थानीय सरकारले कृषिमा लाग्न नागरिकलाई उत्प्रेरित गर्ने बताए । कृषिमा आत्मनिर्भर बन्ने कृषि नीतिहरु पालिकाले ल्याएको उनले बताए । मेयर यादवले कृषिमा पहुँचका आधारमा मात्र अनुदान पाउने प्रवृति रोक्ने दावी गरे ।

नगरपालिकाका प्रमुख प्रशासकीय अधिकृत रामदरश यादव, वडा अध्यक्ष बिमरोश यादव ,कृषि शाखा प्रमुख गोबिन्द यादव, कर्मचारीहरु, कृषकलगायतले धान रोपेका थिए ।