उत्खनन् गर्ने ठेकेदारलाई लाईन दिने सिरहा प्रहरीका डिएसपी पाण्डे विकास रोक्न गस्तीमा

न्यूज ब्यूरो, सिरहा । सिरहाको विभिन्न स्थानमा हुने उत्खनन रोक्नुपर्नेमा सिरहाका डिएसपी रबिन्द्रराज पाणडेले विकास रोक्न राती गस्तीमा निस्कने गरेको खुलेको छ ।

अवैद्य उत्खनन गर्ने ठेकेदारलाई लाईन मिलाएका डिएसपी पाण्डेले स्थानीय तहमा हुने विकास रोक्न रातराती कार्यालय खुलाउन थालेका छन् । बिना उजुरीको कार्यादेश वा अन्य कागजातहरु खोज्ने अधिकार नै नरहेको डिएसपी पाण्डेले अधिकारको दुरुपयोग गरी जनप्रतिनीधि थर्काएको आरोप लगाईएको छ ।

सिरहाको नरहा गाउँपालिका वडा नं. ३ स्थित बिकासे बजेटबाट सडक फराकिलोको काम चलिरहँदा सिरहा प्रहरीका प्रवक्ता समेत रहेका डिएसपी पाण्डेले गैर–कानुनी प्रस्तुत भएको वडाध्यक्ष रुस्तम अन्सारीले आरोप लगाएका छन् ।

सोमबार दिउँसैदेखि वडा नं. ३ स्थित सडक फराकिलोको काम भईरहँदा राती ३ बजेको समयमा डिएसपी पाण्डेले वडा कार्यालय खोल्न लगाएर कागजात मागेको आरोप वडाध्यक्ष अन्सारीले लगाएका छन् । सम्पूर्ण स्थानीयवासीहरुको सहमतिमा सडक फराकिलो तथा विस्तारको कार्य भईरहँदा राती राजनीतिक व्यक्तिको उक्साहटमा परी डिएसपी पाण्डेले वडाध्यक्ष अन्सारीलाई थर्काएको आरोप लगाएका छन् ।

विधिपूर्वक कार्य भईरहँदा डिएसपी पाण्डेले पूर्व वडाध्यक्ष अनिसुल अन्सारीको उक्साहटमा विकास निर्माण कार्य रोक्न अनेकौ हतकण्डा अपनाएको आरोप लगाएका छन् । उनले कार्यादेश, उपभोक्ता समिति गठन गरी नियमपूर्वक काम भईरहँदा जथाभावी राती ३ बजे कागजातहरु माग गर्दै बाधा अवरोध पुरयाएको आरोप लगाईएको छ ।

पूर्व वडाध्यक्ष अनिसुल अन्सारीलाई जिल्ला प्रहरी कार्यालयको भ्यानमा बसाएर गस्ती गरेका डिएसपीले उनकै उक्साहटमा विकास निर्माणको कार्यमा बाधा पुरयाएको आरोप छ । राती ३ बजेमा वडाकार्यालय खोल्न लगाउँदै यातना दिएको भन्दै कारवाहीको माग गरिएको छ । उनले भने, “राती डिएसपी मदिराको नशामा लत्त थिए, पूर्व वडाध्यक्षलाई सँगै भ्यानमा राखेर घुम्दै थिए, आफ्नो कार्यकालमा पूर्व वडाध्यक्षले नगरेका कार्य मैले गर्न खोज्दा प्रहरी अधिकारको दुरुपयोग गरी काम रोक्न खोज्यो, यो कुन प्रवृति हो ? हामीले भोलिपल्ट त कागज दिन सक्थ्यौँ, तथापी, बिना उजुरीकै डिएसपी पाण्डले कुन अधिकारले राती ३ बजे कार्यादेश, उपभोक्ता समिति खोज्यो ? यसको जवाफ दिनुपर्छ ।”

सिरहाकै विभिन्न खोलाबाट हुने करोडौँको उत्खननलाई प्रश्रय दिने डिएसपीले विकास कार्य रोक्न गएकोप्रति खेद समेत प्रकट गरे ।