धनुषाका "उमा शँकर अरगरिया" फोरमको केन्द्रीय सदस्यमा मनोनित

न्यूज ब्यूरो |
जनकपुरधाम, ७ जेठ । धनुषा निर्वाचन क्षेत्र नं. २ बाट प्रतिनीधि सभा सदस्य एवम् साँसद उमा शँकर अगरियालाई पार्टीको केन्द्रीय सदस्यमा मनोनित गरिएको छ ।

संघीय समाजवादी फोरम नेपालको काठमान्डौँमा गत बैशाख १९, २० र २१ गते सम्पन्न पार्टीको तदर्थ समितिको छैठो बैठकको निर्णय अनुसार नेता अरगरियालाई केन्द्रीय समितिको सदस्य पदमा मनोनित गरिएको हो ।

बैठकबाट पार्टी विधानको धारा १५ को उपधारा ३ (द) बमोजिम केन्द्रीय सदस्य पदमा मनोनित गरिएको पार्टीका अध्यक्ष उपेन्द्र यादवद्धारा अरगरियाको नाममा पत्र काटिएको हो ।

संघीय साँसद बनेपछि बारम्बार जिल्लाको कृषि, किसान, सडक, बिजुली, यातायातको बारेमा चासो लिँदै आएका नेता साँसद अरगरियाले आउँदो बजेट भाषण मार्फत जिल्ला तथा प्रदेशको लागि सम्मानजनक बजेट विनियोजन गर्ने बुझिएको छ ।

केही साता अघि मात्र तराई मधेसमा गएको विनासकारी हावाहुरीबाट पीडितलाई राहतको लागि संघीय सँसदबाट राहत उपलब्ध गराएका साँसद यादव यसपाली कृषिको बजेटमा किसानलाई खुसी पार्ने दाउ रहेको छ ।