साँसद अरगरियाले मैथिलीमै सँसद बैठक थर्काएपछि

न्यूज ब्यूरो |
काठमान्डौँ, ३१ बैशाख । धनुषा निर्वाचन क्षेत्र नं. २ का प्रतिनीधि सभा सदस्य एवम् साँसद उमा शँकर अरगरियाले पहिलो पटक मैथिली भाषामै सँसद बैठक थर्काएका छन् ।

सोमबार बसेको सँसद बैठकमा साँसद अरगरियाले मातृभाषा मैथिलीमै कृषि विकासको लागि जोडदार माग गरेका छन् ।

नेपालको ९० प्रतिशत जनता कृषिमा आश्रित भएपनि सरकारले कृषिलाई आधुनिकीकरण गर्न नसकेको आरोप लगाए ।

धनुषा जिल्लाको सन्दर्भमा बोल्दै साँसद अरगरियाले धनुषा जिल्लाको साबिक १ सय १ गाविसहरुमा कृषिको लागि जाने गरेको बजेटमा कृषिमा अपुग भएको गुनासो राखे ।

स्थानीय तहमा विभाजन भएपछि कृषिमा क्रान्ती र आधुनिकीकरण गर्नको लागि धनुषामा बजेटको खाँचो औल्याउँदै साँसद अरगरियाले विगतमा दिँदै आएको बजेटको ५ गुणा बढी बजेट विनियोजन गरे मात्र कृषिमा सुधार आउने बताए ।

केन्द्र सरकारले कृषिमा आधुनिकरण गर्नको लागि पहल सहित बजेटमा बढौती गर्नुपर्ने माग जोडदार रुपमा उठाए ।

यसअघिको बैठकमा साँसद अरगरियाले तराई मधेसमा गत साता गएको हावाहुरीका कारण भएको क्षतिको क्षतिपूर्ती शिघ्र जुटाउन सरकारसँग माग गरेपछि राहत वितरणको कार्यक्रम समेत कार्यन्वयन गराएका हुन् ।