किसानको लागि ५० करोडको अनुदान मलखाद किन्ने कृषि मन्त्री कुशवाहाको प्रस्ताव

न्यूज ब्यूरो, जनकपुरधाम । मधेश प्रदेशका कृषि मन्त्री ईन्जिनीयर बसन्त कुशवाहाले किसानको धानको लागि ५० करोड अनुदानले पुग्ने मलखाद किन्ने प्रस्ताव गरेका छन् ।

असारमा मधेशका किसानहरुलाई चाहिने धानबालीको लागि मलखाद्य समयभन्दा अगाडी नै उपलब्ध गराउन तत्काल ५० करोड अनुदानले पुग्ने मलखाद्य किन्ने प्रस्ताव गरिएको जनाइएको छ ।

विहिबार भूमि व्यवस्था, कृषि तथा सहकारी मन्त्रालयमा बसेको बैठकबाट तत्काल ५० करोड रुपैयाँ मूल्य बराबरको मलखाद्य किन्ने प्रस्ताव गरिएको जानकारी दिएका छन् ।

यस आर्थिक बर्षमा कृषि मन्त्रालय मातहतमा गर्न नसकिने र नमिल्ने कार्यक्रम कट्टा गरी आउँदो कृषि बालीका लागी मलखादमा अनुदान उपलब्ध गराई किसानको समस्या समाधान गर्न खोजिएको मन्त्री कुशवाहाले जानकारी दिए ।

“हामी सदैब किसानको पक्षमा छौं। केन्द्र सरकारको नीति, मधेश सरकारकै अन्य मन्त्रालयबाट अपेक्षाकृत बजेट पाउन नसक्दा अलिक समस्या भएको छ । तर, वडा वडामा किसानकै लािग मल उद्योग सँचालन योजनाले आगामी बर्षदेखि कसैलाई बाहिरबाट आउने मलखाद्यकै लागि कुर्नुपर्ने अवस्था रहने छैन ।”– मन्त्री कुशवाहाले भने ।