मोदी अवतरणको केही घण्टा बाँकी, जानकी मन्दिर सिल

न्यूज ब्यूरो |
जनकपुरधाम, २८ बैशाख । भारतीय प्रधानमन्त्री नरेन्द्र मोदीको जनकपुर भ्रमणको केही घण्टा बाँकी रहँदा जानकी मन्दिर प्रवेशमा रोक लगाइएको छ ।

मोदी भ्रमणलाई लिएर विश्वप्रसिद्ध जानकी मन्दिरमा सुरक्षाकर्मी तैनाथ गरिएको छ भने मोदीले पूजाआजा गर्ने भएपछि विहानैदेखि जानकी मन्दिरको सबै प्रवेशद्धार बन्द गरिएको छ ।

मन्दिरको पूर्वी, दक्षिणी तथा उत्तरी प्रवेशद्धार पूर्णरुपमा बन्द गरिएको छ भने १० बजेर १५ मिनेटमा जनकपुर विमानस्थलमा मोदी अवतरणपछि जानकी मन्दिरमा भव्य पूजाआजा गर्ने कार्यक्रम रहेको छ ।

मोदीले पूजाआजा सम्पन्न गरेपछि मात्र सर्वसाधारणलाई मन्दिर प्रवेश खुल्ला गरिने जनाइएको छ ।

मोदीको यो जनकपुरमा पहिलो धार्मिक भ्रमण हो भने मिथिलावासी मोदीलाई स्वागत गर्न आतुर देखिएका छन् ।