उमेशको माफीनामा पत्रको लागि अझ १५ लाख रुपैयाँ बढीको खाँचो

न्यूज ब्यूरो |
जनकपुरधाम, २७ बैशाख । उमेश बचाउको लागि जारी "उमेश बचाउ अभियान" अन्तर्गत अहिलेसम्म १५ लाख रुपैयाँ बढीको खाँचो देखिएको छ ।

१२ मे २०१८ सम्म माफीनामा पत्र दिने वापत बुझाउन भनिएको ३० लाख रुपैयाँ मध्ये अहिलेसम्म बैँक खातामा १५ लाख रुपैयाँ मात्र बढीमा जम्मा भएको हुन सक्ने अनुमान गरिएको छ ।

उमेश बचाउको लागि माफीनामा पत्र वापत चाहिने ३० लाख रुपैयाँको लागि ग्रोविंग नेपाल फाउण्डेशनका अध्यक्ष सरोज रायले अपिल गरेपछि सहयोगी हातहरुले बैँक खातामा रकम सहयोग गर्न सुरु गरेका छन् ।

गएको २९ अप्रिल देखि सुरु भएको उमेश बचाउ अभियान अन्तर्गत फाउण्डेशनको बैँक खाता सार्वजनिक गरिएपछि सहयोगी हातहरुले सहयोग राशी जम्मा गर्ने गरेको छ ।

देश विदेशबाट युवाहरुले उमेश बचाउको लागि रकम बैँकमा जम्मा गरेर भौचरको फोटो समेत पठाउने गरेको छ ।

बैँकमा रकम जम्मा गरेको ३ / ४ दिनपछि मात्र खातामा देखाउने गरेको कथन फाउण्डेशनका अध्यक्ष रायको कथन छ ।

त्यस अनुसार तोकिएको समयमध्ये मात्र २ दिन बाँकी रहँदासम्म करिब १५ लाख रुपैयाँ बैँक खातामा सँकलन भएको अुनमान गरिएको छ ।

हालाँकी बुधबारसम्मको बैँक स्टेटमेन्ट अनुसार ६ लाख रुपैयाँ बढी मात्र देखाइएको छ ।

विभिन्न सँस्थाहरुले लाखौँ रुपैयाँ सँकलन गरेर राखेपनि फाउण्डेशनको बैँक खातामा जम्मा गर्नबाट हिच्किचाएको देखिएको छ ।

उमेशको आमाबुवाको नाममा बैँक खाता भए मात्र रकम जम्मा गर्ने भन्दै आएको छ भने बैँक खाता नभएको खण्डमा बैँक मार्फत वा रेमिटयान्स मार्फत उमेशको बुवा वा आमाको नाममा रकम पठाइदिने जनाइएको छ ।

सँकलन गरी राखिएको रकम बैँक खातामा राखि ३० लाखको लक्ष्य पुरा हुने देखिएको छ ।