मधेशका किसानको समस्या अब चाँडै समाधान हुन्छः कृषिमन्त्री साह

मुकेश पण्डित, जनकपुरधाम । संघीय कृषि मन्त्री ज्वाला साहले मधेशका किसानहरुका समस्या चाँडै समाधान हुने बताएकी छन् ।

शुक्रबार धनुषाको बनिनियाँस्थित रहेको हर्दिनाथ राष्ट्रिय धानबाली अनुसन्धानमा अनुगमन नीरिक्षण गर्न पुगेकी मन्त्री साहले किसानहरुको मलखाद्यसहित अन्य समस्या समेत चाँडै समाधान गर्ने प्रतिवद्धता जनाईन् ।

“किसानहरुलाई अब कुनै प्रकारको समस्या हुँदैन। किसानहरुका लागि मल,बीउ,सिचाई जस्तो समस्या समयमै छिटोभन्दा छिटो समाधान हुनेछ।”– उनले भनिन् ।

अन्तरक्रिया कार्यक्रममा बोल्दै मन्त्री साहले आफू समेत किसानकै छोरी रहेकोले किसानको पीडा, समस्या गहिरो रुपमा बुझेको बताइन् । देशलाई कृषि प्रधान भनिएपनि किसानको अपेक्षा बमोजिम सरकार अझै कमजोर रहेको बताउँदै उनले अपेक्षा पूरा हुने बताइन् ।