६ महिनादेखि कमला नगरपालिकाको कृषि र पशु शाखा कर्मचारीविहिन, सर्वसाधारणलाई सास्ती

न्यूज ब्यूरो, जनकपुरधाम । धनुषाको कमला नगरपालिकामा विगत ६ महिनादेखि कृषि र पशु सेवा तर्फको कर्मचारी छैनन् । यो अवधिमा कृषि र पशु सम्बन्धी सेवा लिने सेवाग्राही मार्कामा परेका छन् ।

चालु आर्थिक बर्षदेखि नै दुवै शाखामा कर्मचारी छैनन् । दुवै शाखामा कर्मचारी नहुँदा नगरपालिकाका कृषि शाखाबाट पाइने सेवाहरु समेत ठप्प छन् ।

यस्तै, पशु सेवा तर्फ समेत नगरपालिका कर्मचारीविहिन भएपनि अझै कुनै कदम चालिएको छैनन् । नगरपालिकामा कर्मचारीको अभावमा आम नागरिक सेवाबाट बञिचत भएका छन् ।

कृषि तर्फ विभिन्न सेवाहरु भएपनि कर्मचारी नहुँदा आम नागरिक प्रभावित भएका छन् । पशु सेवा तर्फ कृतिम गर्भाधारण, समयमा समयमा दिइने पशुलाई खोप, औषधी आदीको कार्यहरु सबै ठप्प रहेका छन् ।

गत माघ २५ गते मात्र नगरसभा सर्वसहमतिले पारित भएपछि कर्मचारी समेत खटाइने जनाइएको छ ।