सर्लाहीको लखनदेही नदीमा यथाशिघ्र पुल बन्छः मन्त्री श्रेष्ठ

न्यूज ब्यूरो, सर्लाही । सर्लाहीको कविलासी नरपालिका र बरहथवा नगरपालिका जोडने लखनदेही नदिमा पुल निर्माणका लागि नेपाल सरकारको उपप्रधानमन्त्री, भौतिक पूर्वाधार तथा यातायात मन्त्री नारायण काजी श्रेष्ठले यथाशिघ्र पुल बनाउने प्रतिवद्धता जनाएका छन् ।

श्रेष्ठले कविलासी नगरपालिका नम्बर ४ हेमपुर र बरहथवा नगरपालिका वडा नम्बर १६ टिकुलिया जोडने लखनदेही नदीको हेमपुर घाटको बगरमा हेलिकोप्टरमा मार्फत पुगेर स्थानियवासी लगायत राजनितिक दलसंग सो ठाउँमा यथाशिघ्र पुल बनाउने प्रतिवद्धता जनाएका छन् ।

क्षेत्र नम्बर ३ का प्रतिनिधि सभाका प्रत्याशी नरेन्द्र साह र बागमती नगरपालिकाको मेयर भरत थापाको विशेष पहलमा श्रेष्ठ लखनदेही नदीको हेमपुर घाटको निरिक्षण गर्न आएका थिए ।

उपप्रधानन्त्री हेलिकोप्टरमा आउने खबर थाहा पाएपछि बहरथवा नगरपालिका र कविलासी नगरपालिकाका नदीबाट प्रभावित भएका सयौँ संख्यामा सर्वसाधारणहरु बगरमा पुगेका थिए ।

स्थानीयहरुले उपप्रधानमन्त्रीलाई स्वागत गर्नुका साथै नदिमा छिटो भन्दा छिटो पुल निर्माणका लागि आग्रह समेत गरे ।

“तपाईहरुको यहाँ लखनदेही नदिको ठुलो समस्या छ, उहाँले भने । यसो वारपार गर्न ठुलो समस्या पर्छ, बर्षाको बेलमा भनेर देखाउन ल्याउनु भएको हो ।
“हेरेर मात्र काम भएन, यसको समस्या समाधान गर्नुपर्यो । त्यसैले मैले अब हेरेर गए १ उहाँहरुसंग लिखित रुपमा समेत माग्दछु । उनले भने । तपाईहरुको समस्या समाधान गर्नका निम्ती मैले जे सक्छु, “मेरो तर्फबाट, मेरो मन्त्रालयको तर्फबाट नेपाल सरकारको तर्फबाट गर्छु भनी प्रतिबदतता उनले व्यक्त गरे ।

मलंगवा नवलपुर राजमार्ग सडक खण्डको कविलासी नपाको वडा नम्बर ७ अन्तर्गत पर्ने सिरसिया देखि वडा नम्बर ५ हुदै वडा नम्बर ४ लखनदेही नदीसम्म र वडा नम्बर १, २ पिपरिया देखि वडा नम्बर ५ हुँदै वडा नम्बर हेमपुर लखनदेही नदीसम्म रहेको बाटो हुदै दैनिक हजारौं संख्यामा सर्वसाधारणहरुको आवतजावत हुने गरेका छन । दैनिक हजारौंका संख्यामा आवतजावत हुने लखनदेही नदीका हेमपुर घाटमा पुल निर्माण नहुदाँ बर्षेनि बर्षायमा सर्वसाधारणहरु सास्ती खेप्दै आएको छ ।

स्थानिय सुरेश यादव, विरेन्द्र ठाकुर, पूर्व प्रधानाध्यापक रामनिवास साह, पत्रकार मनोज यादव, अनुसन्धानका मनिष सिंह, संचारकर्मीहरु लगायत स्थानियवासीहरुको सहभागिता रहेको थियो ।