महोत्तरीमा वडा सदस्यले बाँसको फठ्ठाले हान्दा ३ गम्भिर, काठमान्डौ रिफर !

न्यूज ब्यूरो ||
जलेश्वर, १३ वैशाख । महोतरीको लोहारपट्टि नगरपालिका –३ का वडा सदस्य रामजी यादवले गुण्डा प्रवृति प्रर्दशन गर्दै तीन जनालाई निर्धात कुटपिट गरका छन् ।

वडा सदस्य यादवले गुण्डा र आफन्त आफ्ना छिमेकी ८० वर्षिय महबुल कवारी, २५ वर्षिय जिलानी राईन र १५ हैदर राईनलाई निर्धात कुटपिट गरिएको छ ।

महबुल कवारी, हैदर कवारीको उपचारको जनकपुर अञ्चल अस्पतालमा भईरहेको छ भने जिलानीको उपचार जनकपुरमा सम्भव नहुदाँ थप उपचारको लागि काठमाण्डौ रेफर गरिएको जिल्ला प्रहरी कार्यालय महोत्तरीले जनाएको छ ।

घाईते जिलानीका अनुसार वडा सदस्य यादवले छोरा र वाहिरबाट मान्छे बोलाएर बाँसको चिरपटले कुटपिट गरेको आरोप लगाए ।

गाउँमा निर्माण भईरहेको सडकको लागि वडा सदस्य यादवले आफ्ना जग्गा जोगाई एकतर्फी ८ फिट जग्गा लिने गरि नाप नक्सा गराउन गर्दा विरोध गरेपछि आफुहरुलाई कुटपिट गरेको महबुल कवाडीले बताए ।

राईनको टाउँको र आखामा गम्भिर चोट लागेको छ । घाईते राईनले भने,‘ एकतर्फी सडक विस्तारको काम नगर्नु भनेर सम्झाईरहदाँ उनका छोरा वासको चिरपटले टाउँमा आक्रमण गरे ।’

घरको ढोका नै तोडेर घरमा प्रवेश गरि महिलाहरुलाई समेत दुव्र्यहार गरिएको उनले आरोप लगाए । घरको प्राङगनमा रहेको अटो रिक्सामा समेत तोडफोड गरिएको उनले बताए ।

यता, घटनामा संलग्न भएका वडा सदस्य रामजी यादवलाई प्रहरीले नियनत्रणमा लिई छाडेको छ । इलाका प्रहरी कार्यालय लोहरपट्टीले आर्थिक प्रभाव र राजनीतिक दवावमा उनलाई छाडेको पीडित परिवारको आरोप छ ।

घटनामा संलग्न रामजी यादवका वेटा मुकेश यादव फरार भएको प्रहरीले जनाएको छ । यता, महोत्तरीका प्रहरी उपरीक्ष यादवले पक्राउ परेका यादवलाई उपचारको लागि छाडेको बताए ।

एक प्रश्नमा उनले प्रहरीसँग गल्ती भएको स्वीकार गर्दै पुन नियत्रणमा लिने बताए ।