धनुषाको ढल्केबरको गेष्ट हाउसहरुमा प्रहरीको छापा, दुई जोडी पक्राउ

न्यूज ब्यूरो ||
जनकपुधाम, १३ बैशाख । धनुषाको ढल्केबरमा सँचालित गेष्ट हाउसहरुमा प्रहरीले दिउँसै छापा हानेका छन् ।

ढल्केबरमा सँचालित श्रीराम गेष्ट हाउस र धनगढी गेष्ट हाउसमा दिउँसो करिब ३ बजे ढल्केबर प्रहरीको टोलीले छापामारी गरेपछि दुई जोडी पक्राउ समेत परेका छन् ।

त्यहाँ सँचालित गेष्टहाउसहरुमा अनैतिक क्रियाकलाप तथा यौन व्यापार भइरहेको गोप्य सूचनाको आधारमा प्रहरी नीरिक्षक माधव प्रसाद काफ्लेको नेतृत्वमा गएको प्रहरी टोलीले छापामारी गर्दा दुईटै गेष्ट हाउसबाट दुई जोडीलाई पक्राउ गरेका हुन् ।

गेष्टहाउसमा आएका ती दुई जोडीको अनैतिक सम्बन्ध भएको जानकारी गराइएको छ ।

यसबारे थप अनुसन्धान सुरु गरिएको तथा गेष्ट हाउस सँचालकलाई समेत प्रहरीले बोलाएको भन्दै केही बेरमा थप अपडेट दिने प्रहरी नीरिक्षक काफ्लेले न्यूज ब्यूरोसँग भने ।