सिरहाः लौण्डा नचाएर भोंट माग्दै लिला, तैपनि आएनन जनता !

न्युज ब्यूरो, जनकपुरधाम । पूर्वमन्त्री एवम् एमालेका उम्मेदवार लिलानाथ श्रेष्ठले लौण्डा नचाएर भोँट माग्दै गरेको देखिएको छ ।

निर्वाचन आयोगले निर्वाचन आचारसंहिता जारी गरी यस्ता प्रकारको कार्यक्रमहरु नगर्न सुझाएपनि एमालेबाट उम्मेदवारी दिएका लीलानाथ श्रेष्ठले चुनावी कार्यक्रममा लौण्डा नचाएको दृश्य देखिएको छ ।

सिरहा जिल्लाको निर्वाचन क्षेत्र नम्बर ३ बाट प्रतिनीधिसभाका सदस्य उम्मेदवार श्रेष्ठले विहिबार सिरहा नगरपालिका वडा नम्बर ८ ठेँग्हीस्थित लौण्डा नाच नचाएर भोँट माग्दै गरेको देखिएको छ ।

सो स्थानामा आयोजना गरिएको कार्यक्रममा तल लौण्डा नाच भइरहेको देखिएको छ भने माथि लिलानाथ श्रेष्ठको बैनर लागेको देखिएको छ ।

केही समाजिक सँजाल प्रयोगकर्ताले समाजिक सँजालमा शेयर गरेको भिडियोमा लीलानाथ श्रेष्ठको बैनरमुनि लौण्डा नाच भइरहेको देखिएको छ । मान्छे जम्मा पार्न सो हतकण्डा अपनाएपनि उनको कार्यक्रममा पातलो जनसहभागिता देखिएको छ ।

यस्ता कार्यक्रमहरु निर्वाचन आचारसंहिता विपरित रहेको छ ।