मिथिलाबिहारीमा अन्तर जिल्ला भलिवल मेयर कप सुरु

न्यूज ब्यूरो, जनकपुरधाम । धनुषाको मिथिला बिहारी नगरपालिकामा अन्तर जिल्ला भलिवल मेयर कप प्रतियोगिता सुरु भएको छ ।

दिपावली तथा छठ पर्वको अवसरमा प्रत्येक वर्ष निरन्तर सँचालन हुँदै आएको खेल प्रतियोगिताको क्रममा यसपाली पनि अन्तर जिल्ला भलिवल मेयर कप प्रतियोगिता सुरु भएको हो ।

मिथिला बिहारी नगरपालिकाका मेयर राजेन्द्र प्रसाद यादवले सो खेलको मँगलबार एक समारोहबीच उदघाटन गरे । सो खेलमा जिल्लाको विभिन्न पालिकाबाट खेलाडी टिमहरु सहभागी हुने भएको छ ।

नगरपालिकाको वडा नम्बर ६ सिरसियास्थित सुरु भएको मेयर कप प्रतियोगितामा सहभागी टिमका खेलाडीहरुलाई अनुशासित भएर खेल्न आग्रह गरे । यसका साथै रेफ्रीलाई समेत अनुशासित एवम् निष्पक्ष भएर खेल सँचालन गराउन आग्रह गरे ।