धनुषा क्षेत्र नं. २ मै प्राइभेटमा खजुरीको न्यू लाईफ भिजन स्कूलमा +2 सँचालन

न्यूज ब्यूरो, जनकपुरधाम । पूर्वी धनुषाको खजुरीस्थित सँचालनमा रहेको न्यू लाईफ भिजन स्कूलले +2 कक्षा सँचालन गर्ने अनुमति पाएको छ ।

धनुषा निर्वाचन क्षेत्र नम्बर २ भरिमै खजुरीको न्यू लाईफ भिजन स्कूलले नीजि तर्फ +2 सँचालन गर्ने पहिले अनुमति पाएको हो ।

पूर्वी धनुषाको कमला नगरपालिका, विदेह नगरपालिका, जनकनन्दिनी गाउँपालिकाका विद्यार्थीहरुको लागि निजी तर्फ उच्च शिक्षा हासिल गर्ने अवसर समेत प्रदान भएको हो ।

नीजि क्षेत्रबाट धनुषा जिल्लाको पूर्वी क्षेत्रमै सबभन्दा पहिले अनुमति लिएको न्यू लाईफ भिजन स्कूलमा एजुकेशन र कमर्सको लागि भर्ना समेत खुल्ला गरेको छ ।

पूर्वी क्षेत्रमा ४/५ वटा स्थानीय तहको विद्यार्थीको लागि बसको सुविधासहित होस्टेलको समेत व्यवस्था गरिएको छ ।

नीजि क्षेत्रबाट सँचालन भएको उच्च माध्यमिक विद्यालयले गाउँस्तरका विद्यार्थीहरुको लागि विकल्पको रुपमा स्थापित भएको विद्यालयका प्रबन्धक निर्देशक सुजित कुमार यादवले जनाए ।