यादवलाई बोर्डर कटाईदिन्छौँः एमाले नेता चौधरी

न्यूज ब्यूरो, जनकपुरधाम । नेकपा एमालेका युवा नेता अनिल चौधरीले नेपाली काँग्रेसका सह महामन्त्री महेन्द्र यादवलाई बोर्डर कटाउने चेतावनी दिएका छन् ।

नेकपा एमालेका क्षीरेश्वरनाथ नगरपालिकाका नगर उपाध्यक्ष समेत रहेका युवा नेता चौधरीले नेतृ जुली महासेठमाथि गरिएको टिप्पणीप्रति प्रतिकार गर्दै नेता यादवलाई चुप बस्न चेतावनी दिएका छन् ।

“नेपाली काङ्ग्रेसको सह–महामन्त्री महेन्द्र यादवलाई ठाडो चुनौती दिन चाहन्छु । घुर्की नदेखाउनु दम्भ छ, भने गरेर देखाउनुस ।”– उनले भने, तपाईंले क्षेत्रबाट भगाउनु भन्दा पहिला तपाईंलाई हामी बोर्डेर कटाइ दिन्छौं ।

नेकपा एमाले कसैको कठ्पुतली नरहेको भन्दै उनले एमाले विरुद्ध मनपरी बोल्नेलाई कारवाहीको चेतावनी समेत दिए । “तपाईं जस्ता कति आए कति गए , नेकपा एमाले छ र रहि रहनेछ । पुनः बोल्दा होस् गरेर बोल्नुस अन्यथा प्रतिकार गर्न हामी तयार छौं ।”– उनले थपे ।

केही दिन अगाडी एक सार्वजनिक कार्यक्रममा उनले एमालेका नेताहरुले नागरिकता विद्येयकको विरोध गरेको भन्दै उनीहरुलाई लखेट्ने प्रतिक्रिया दिएका थिए ।