'प्रदेश २ मा बलात्कारीको लागि नयाँ कानुन बन्दैछ' : कानुनमन्त्री यादव

न्यूज ब्यूरो ||
जनकपुरधाम, २९ चैत्त । प्रदेश नं. २ का आन्तरिक मामिला तथा कानुन मन्त्री ज्ञानेन्द्र कुमार यादवले बलात्कारीको लागि नयाँ कानुन बनाउन लागेको बताएका छन् ।

विहिबार न्यूज ब्यूरोसँग कुरागर्दै मन्त्री यादवले अघिल्लो दिनमा देखिएको बलात्कारको घटनाको तथ्याँक बढी भएको भन्दै बलात्कार घटनाको लागि नयाँ प्रकारको कानुन बनाउन लागेको बताए ।

केही दिन अघि बीरगँजमा एक बालिका उपर भएको बलात्कारको घटनामा तीन जना पक्राउ परेको जानकारी गराउँदै उनले धनुषाको शहिदनगर नगरपालिका वडा नं. ८ विसरभोरामा भएको बलात्कार घटनामा सँलग्नहरु अति शिघ्र प्रहरीको शिकन्जामा हुने दाबी समेत गरेका छन् ।

अभियुक्त पक्राउ गर्न नेपाल प्रहरीले भारतीय प्रहरीको समन्वय गरी तीव्रता बढाएको भन्दै अब भाग्न नसक्ने दाबी गरे ।

मँगलबार सरकारलाई ३१ वटा बलात्कारको घटनाबारे जानकारी गराउँदै ती घटना न्यून र निराकरणको लागि चेतनामूलक कार्यक्रमको अभियान थालिसकेको जनाए ।

ग्रामिण भेकमा बलात्कारका घटनाहरुलाई गाउँमै मिलाउने, दबाउने जस्ता कार्यलाई पर्दाफास गरी कानुनकै दायरामा ल्याउनुपर्ने भने उदेश्यका साथ प्रदेशको विभिन्न स्थानीय निकायमा गएर कार्यक्रमहरु गरेको बताए ।

विभिन्न समयमा भएको यस्ता घटनाहरुको फाईल पुनः खोल्ने जनाउँदै घटनामा सँलग्न अभियुक्त वा मिलोमत्तो गर्ने सरकारी नियकाका कर्मचारीलाई समेत नयाँ प्रकारको सजायको व्यवस्था गर्न लागेको बताए ।