सहकारी निमुखा र सीमान्तकृतको आस्था हो, यसलाई करमुक्त गर्नुपर्छः नेता साह

न्यूज ब्यूरो, जनकपुरधाम । लोकतान्त्रिक समाजवादी पार्टीका नेता एवम् लोसपा सहकारी विभागका प्रमुख सँजय कुमार साहले सहकारी निमुखा सीमान्तकृतको आर्थिक आस्था रहेको बताएका छन् ।

बुधबार मधेश प्रदेशको राजधानी जनकपुरधामस्थित एक सहकारी सँस्थाको उदघाटन गर्दै नेता साहले सहकारी भएर यहाँको गरिब, निमुखा, सीमान्तकृत समुदायले आस्थाको रुपमा जोडेको बताए ।

जनकपुरधाम उपमहानगरपालिका वडा नम्बर २ स्थित सँचालनमा आएको साकुरा बचत तथा ऋण सहकारी संस्था लि. को उदघाटन गर्दै उनले सहकारी भएरै समाजलाई सबलीकरण तर्फ डोरयाउन सरकारलाई सहज भएको बताए ।

सहकारी विज्ञ तथा ल‍ोसपा सहकारी बिभाग प्रमुख समेत रहेका नेता साहले सो सहकारी सँस्थाको बिबिधत रूपमा सुचारु गरे ।

सो कार्यक्रममा प्रमुख अतिथिको आसनबाट बोल्दै साहले सहकारीहरु विभिन्न आस्था, बिचार, जात र समुदायका साँझा धरोहरको रुपमा रहेको बताए।

साहले समुदायमा आधारित र सदस्यकेन्द्रीत सहकारीहरुको योगदानलाई कदर गर्दै करमुक्त क्षेत्र बनाउन र सहकारीको पूंजीलाई राष्ट्रिय समृद्धिसंग जोडन ध्यान दिनुपर्ने बताए ।

कार्यक्रममा राष्ट्रिय सहकारी बैंकका जनकपुरधाम शाखाका प्रमुख बिष्णु पराजुली ,साकुरा बचत तथा ऋण सहकारी संस्था लि. को अध्यक्ष गणेश साह, ,जनकपुरधाम उद्योग वाणिज्यका कोषाध्यक्ष तथा सो सहकारी का उपाध्यक्ष प्रमेश्वर साह,कोषाध्यक्ष संतोष कुमार साह, संचालक सदस्य मनोज कुमार यादब सहित बिभिन बिशिस्ट व्यक्तिहरुको उपस्थिति रहेको थियो।