प्रदेश स्तरीय रामनारायण मिश्र फुटबल प्रतियोगिता भोलि देखि शुरु, ८ वटै जिल्ला भिडदै

न्यूज ब्यूरो, जनकपुरधाम । मधेश प्रदेशस्तरीय फुटबल प्रतीयोगिता राम नारायण मिश्र फुटबल प्रतियोगिता भोली शनिबारदेखि सुरु हुने भएको छ ।

प्रदेश स्तरीय फुटबल प्रतियोगिताको लागि भोलि शनिबार धनुषाको क्षिरेश्वरनाथ नगरपालिका वडा नम्बर ५ महेन्द्रनगर क्षिरेश्वर जनता उच्च माध्यमिक विद्यालयको प्राङ्गणलाई तयार पारिएको छ ।

महिला बालबालिका ,युवा तथा खेलकुद मन्त्रालयको आर्थिक सहयोग तथा जिल्ला फुटबल संघ धनुषाको आयोजनामा हुने खेलमा प्रदेशको ८ वटै जिल्ला भिडने भएको छ ।

पहिलो खेलमा रौतहट टिम संग सिरहा टिम भिड्ने आयोजक कमिटीका प्रतिनिधि संतोष सिंहले जानकारी दिए ।

खेलमा जम्मा ८ वटा टिम सहभागी हुने छ । खेलको बारेमा जानकारी लिन संतोश सिंह ९८०७६१५०२० र प्रकाश आर्याल ९८१९८५५८४९ जानकारी लिन सकिनेछ ।

प्रत्येक दिन दुई वटा खेल हुनेछ ,विशेष जानकारी लिन चाहेमा जिल्ला फुटबल संघ जिल्ला संयोजक केबल मुखियाले जानकारी दिए ।