नुपुर शर्माको पक्षमा फेसबुकमा पोष्ट हालेपछि उदयपुरमा घाँटी काटेर हत्या, दुवै हत्यारा मुसलमान

न्यूज ब्यूरो, जनकपुरधाम । नुपुर शर्माको पक्षमा फेसबुकमा पोष्ट हालेपछि समुदाय विशेष व्यक्तिहरुले एक जनाको घाँटी काटेर हत्या गरिदिएको छ ।
छिमेकी मुलुका भारतको भाजापाकी पूर्व प्रवक्ता एवम् नेतृ नुपुर शर्माको पक्षमा समाजिक सँजाल फेसबुकमा पोष्ट हालेको भन्दै मुस्लिम समुदायका दुई व्यक्तिले कन्हैयालाल नामक व्यक्तिको घाँटी रेटिदिएका छन् ।

भारतको राजस्थान राज्यको उदयपुरमा दिनदहाडै कन्हैयालालको तलबारले काटेर दुई मुसलमान समुदायका युवकले हत्या गरेपछि राजस्थानको माहौल तातिएको छ ।

राजस्थानको उदयपुर शहरको धानमण्डी थाना क्षेत्रको मालदास गल्लीमा दुई मुसलमान युवकले दिन दहाडै कन्हैयालाललाई घाँटी काटेर हत्या गरिदिएको हो ।

हत्या गरिएका कन्हैयालालको ८ बर्षिय छोराले नुपुर शर्माको पक्षमा फेसबुकमा पोष्ट हालेपछि रिसाएका मुसलमानहरुले उनको बुवालाई नै हत्या गरिदिएका छन् ।

स्थानीय प्रहरीले हत्यारा भनिएका मोहम्मद रियाज र गोस मोहम्मदलाई राजसमँदको भीम ईलाकाबाट पक्राउ गरिसकेको छ । सो घटनाको जाँचको लागि एसआईटी को गठन समेत गरिएको छ ।

यो घटनापछि उदयपुरमा ईन्टरनेटमा सनसनी फैलिन थालेपछि त्यहाँको ईन्टरनेट बन्द गरिएको छ । २४ घण्टासम्म ईन्टरनेट बन्द रहने जनाइएको छ ।

सो घटनापछि त्यहाँका स्थानीयरुले विरोध जनाउँदै पसलहरु बन्द गरिदिएको छ । आरोपित दुवै जनालाई फाँसीको सजाय हुनुपर्ने मागसहित स्थानीयहरुले पसल बन्द गरेका छन् ।

उक्त घटनापछि हिन्दु सँगठनमा आक्रोस बढेको छ । उनलाई फाँसी हुनुपर्ने मागसहित स्थानीयहरु आन्दोलित भएका छन् ।

हत्याका आरोपि रियाज मोहम्मद १७ जुनमा भिडियो बनाउँदै उनको शिर कलम गर्ने धम्कीसहितको भिडियो अपलोड गरेका थिए । हत्यापछि उनीहरुले अर्को भिडियो जारी गर्दै जिम्मेवारी समेत लिएका छन् ।