भारतः निरहुआ रिक्साबालाले निकालदिए समाजवादीको साईकलको हावा, जीते लोकसभाको सिट

न्यूज ब्यूरो, जनकपुरधाम । छिमेकी मुलुक भारतमा चलिरहेको लोकसभा उपचुनावमा भोजपुरी सिने जगतका सुपर स्टार दिनेश लाल यादव निरहुआ जीत हाँसिल गरेका छन् ।

उत्तरप्रदेशको आजमगढ सिटको लागि भारतीय जनता पार्टी (भाजपा) बाट चुनाव लडेका निरहुवा जीतको हाँसिल गरेका हुन् |

उनले आफ्नो जीतको सुनिश्चतता भएपछि ट्वीट गर्दै मतदातालाई धन्यवाद समेत ज्ञापन गरेका छन् ।

निरहुआले उपचुनावको जीतलाई लिएर ट्वीट गर्दै यो जीत बिजेपी पार्टी र जनताको रहेको बताएका छन् ।

यता, मुख्यमन्त्री योगी आदित्यनाथले समेत पत्रकार सम्मेलन गरी रामपुर र आजमगढमा भाजपाको जीत भएको जानकारी दिएका छन् ।

मुख्यमन्त्री योगीले दिनेशलाल यादव निरहुवा र घनश्याम लोधीलाई जीतको बधाई समेत दिएका छन् ।

उत्तर प्रदेशका उपमुख्यमन्त्री केवश प्रसाद मार्यले समेत निरहुवाको जीतको बधाई दिएका छन् । यद्यपी, अहिले अधिकारिक रुपमा परिणाम घोषित भने भएको छैनन् ।