नीति कार्यक्रम सार्वजनिक रुपमै तुरुन्तै वेभसाईटमा राख्ने जनकनन्दिनी गाउँपालिका पहिलो

न्यूज ब्यूरो, जनकपुरधाम । पूर्वी धनुषाको जनकनन्दिनी गाउँपालिकाले गाउँ सभा सम्पन्न भएलगत्तै अधिकारिक वेभसाईटमा नीति तथा कार्यक्रम सार्वजनिक गरेका छन् ।

गाउँसभाको लागि गाउँपालिकाभरिका नागरिकलाई सहभागी हुन सूचना प्रवाह गरेका गाउँपालिकाले गाउँसभा सम्पन्न भएलगत्तै अधिकारित वेभसाईटमा नीति तथा कार्यक्रमहरु सार्वजनिक गरिदिएका छन् ।

आर्थि वर्ष २०७८/०७९ को बजेटमा नीति तथा कार्यक्रमहरु उपाध्यक्ष कमला सहगलले प्रस्तुति गरे लगत्तै आम नागरिकको सही र पारदर्शी सूचनाको लागि वेभसाईटमा अपलोड गरिएको हो ।

नगरसभामा विभिन्न क्षेत्रका व्यक्तिहरुलाई सहभागीको लागि आह्वान गरेको थियो । सँचारकर्मी, कृषक, किसान, पेशाकर्मीहरुलाई बेग्लै आमन्त्रण गरी गाउँसभामा कुर्शी समेत छुटयाउने जनकनन्दिनी गाउँपालिका धनुषा जिल्लामै पहिलो पालिकाको रुपमा देखिए ।

धनुषा जिल्लामा एक मात्र उपमहानगरपालिका जनकपुरधामले समेत नीति तथा कार्यक्रम अझै सार्वजनिक गर्न सकेका छैनन् । विद्युतिय सेवा प्रवाहमा जनकनन्दिनी गाउँपालिका प्रथम देखिएका छन् ।

जनकनन्दिनी गाउँपालिकको अधिकारिक वेभसाईट https://janaknandinimun.gov.np/ मा आगामी आर्थिक वर्षको नीति तथा कार्यक्रम सार्वजनिक गरिएको छ । नीति कार्यक्रम तथा बजेट सार्वजनिकी करण.pdf