खजुरी ईलाकामा घुमुवाको निगरानी टाईट, रातैभरि बोर्डरमा जाग्राम

न्यूज ब्यूरो, जनकपुरधाम । धनुषाको ईलाका प्रहरी कार्यालय खजुरीमा विगत केहीदिनदेखि घुमुवा प्रहरीको कडा निगरानीपछि तस्करहरुको समान जकथक परेका छन् ।

ईलाका प्रहरी कार्यालय खजुरी अन्तर्गत पर्ने क्षेत्रमा नेपाल–भारत बोर्डरमा घुमुवा प्रहरीको ड्युटी दोब्बर गरेपछि घुमुवा प्रहरी अहिले रातैभरि बोर्डरमा ओहोर दोहोर र जाग्राम नै बसेपछि चोरबाटोका तस्करहरु अस्थायी पलायन भएका छन् ।

जिल्ला प्रहरी कार्यालय धनुषाका प्रहरी प्रमुख (एसपी) बसन्त रजौरेको ठाडो निर्देशनपछि सीमानाकामा झन कडाई गरिएको हो । यसअघि समेत सीमानाकामा कडा निगरानी गर्दै आएको ईलाका प्रहरी कार्यालय खजुरीले एसपीको आदेशपछि निगरानी पनि दोब्बर पारिदिएपछि तस्करहरु जकथक भएका छन् ।

नेपाल–भारतको खुल्ला सीमाको कारण सयौँ वटा चोर बाटो भएकै कारण तस्करहरुले प्रहरीलाई समेत चक्मा दिएर समान ओसार पोसार गर्दै आएको छ । तर, अहिले घुमुवा टोलीलाई मोटरसाईकलले सीमानाकामा ओहोर दोहोर नियमित गरेपछि तस्करहरुको चोरबाटो समेत बन्द भएको छ ।

खेतबाटो भएर पनि अँध्यारोमा समान पास गर्ने जनगुनासो आएपछि एसपी रजौरेको आदेशानुसार ईलाका प्रहरी कार्यालय खजुरीका प्रहरी नीरिक्षक (ईन्सपेक्टर) निरन्जन घिमिरेले सीमानाकामा निगरानीलाई थप कडाई पारेका छन् ।

ईनर्बादेखि महिनाथपुरसम्मको सीमानाका क्षेत्रमा अहिले नेपाल प्रहरीको घुमुवाई पहिलेभन्दा अधिक जाग्राम बस्न थालेका छन् । प्रहरीको डयुटीमा कडाई भएपछि विगत केही दिनदेखि सीमानाकामा तस्करहरुले मौका पाउन सकेका छैनन् ।

भारतबाट ल्याउने अवैद्य समानहरु तस्करहरुले भारतमै होल्ड गरेर राखेका छन् भने यहाँबाट भारततर्फ लगिने समानहरु समेत तस्करहरुले होल्ड गरेका छन् । यद्यपी, होल्ड भएको स्थानहरुमा समेत ईलाका प्रहरी कार्यालय खजुरीले निगरानी राख्दै छापा हान्ने मुडमा देखिएका छन् ।