धनुषा ट्राफिकलाई ई - रिक्साबालाको च्यालेन्ज

न्यूज ब्यूरो ||
जनकपुरधाम, २५ चैत्त । ट्राफिक प्रहरी कार्यालय धनुषाले केही दिन अगाडि टेम्पो तथा ई रिक्साहरुमा तोकेको भाडा दर एक हप्ता पनि नबित्दै कार्यान्वयन पक्ष फितलो देखिएको छ ।

टेम्पो तथा ई रिक्साहरुवालाले मनपर्दी तथा दादागिरी शैलीमा यात्रुहरुसँग व्यवहार गर्दै मनोमानी भाडा असुल्दै आएपछि ट्राफिक प्रतिको चुनौति बढेको छ ।

बिभिन्न समयमा ट्राफिक प्रहरी कार्यालय धनुषाले बिभिन्न किसिमका नियमहरु बनाएर लागु गर्न खोजेता पनि त्यो व्यवहारमा भने कार्यान्वयन हुन सकेको छैन ।

यस अघिका छाडा चौपाया नियन्त्रण अभियान पनि फितलो साबित भएको छ भने ट्रिपरहरुमा लगाएको टाईम कार्डको समेत पालना गरिएको छैन ।

यस्ता नियमहरु बनाउँदा सम्बन्धित पक्षले कार्यान्वयन कसरी गर्ने गराउने बिषयमा पनि पहिले नै सोचेर नियम बनाउँदा वेश हुने सर्वसाधारणहरुको प्रतिक्रिया छ ।

यता, जिल्ला ट्राफिक प्रहरी कार्यालय धनुषाका प्रमुख एवम् प्रहरी नीरिक्षक हरिनन्दन चौधरीले ठाउँ ठाउँमा भाडादरको बोर्ड समयमा नभएको कारण यस्तो समस्या आएको बताएका छन् ।