अधिकृत यादव र महासेठको मिलोमत्तोमा ४१ वटा भोँट गायब, पुनः गन्ती गर्दा भेटियो

न्यूज ब्यूरो, सिरहा । सिरहा जिल्लाको एक स्थानीय तहको चुनावको मतगणनामा निर्वाचन अधिकृत र सहायक निर्वाचन अधिकृतकै मिलोमत्तोमा एक उम्मेदवारलाई पराजीत गर्न भोँट चोरेको आरोप लगाइएको छ ।

सिरहाको नरहा गाउँपालिका वडा नम्बर ३ चोहर्बाको भोँट गन्तीको क्रममा कुल ५०० मत गन्ती गर्दा त्यसबाट ४१ वटा मत नै गायब भएकोमा पुनः गन्ती गर्दा सो मत मिलेको छ ।

त्यसको लागि नरहा गाउँपालिकाका प्रमुख प्रशासकीय अधिकृत सुजित यादव र निर्वाचन अधिकृत नागेन्द्र महासेठले कार्यालय सहयोगी राम भरोसी यादवसँग मिलेर भोँट गन्ती अलमल पार्ने षडयन्त्र राखेको बताइएको छ ।

निर्वाचनको मतगणनामा खटेका एक प्रहरीले पनि मिलोमत्तो गरी मतलाई यताउता गर्न खोजेको आरोप उम्मेदवारका समर्थकहरुले लगाएका छन् ।

यस सन्दर्भमा सिरहाका प्रहरी प्रमुखले सो बुथको मतगणनामा खटेको ईन्सपेक्टरको विस्तृत पता लगाएर दोषी ठहरिए कारवाही गर्ने बताए ।