अस्पतालमा मृत्यूसँग जुधिरहेका डा. ऋषी मण्डललाई मधेश युवा सँघको आर्थिक सहयोग

न्यूज ब्यूरो, जनकपुरधाम । जीवन र मृत्यूसँग अस्पतालमै जुधिरहेका डा. ऋषी मण्डललाई युवाहरुको एक समूहले आर्थिक सहयोग गरेको छ ।

धनुषा कमला नगरपालिका वडा नम्बर २ सराबे टोल बस्ने एम.बि.बि.एस. डाक्टर ऋषी कुमार मण्डलको उपचार अहिले जनकपुरस्थित रामजानकी हस्पिटलमा भइरहेको छ ।

ऋषीको अवस्था बारे थाहा पाएपछि विदेशस्थित युवाहरुले सँचालन गरेको मधेश युवा संघ मार्फत उनको उपचारमा सहजता हेतु २५ हजार रुपैयाँ आर्थिक सहयोग गरेको हो ।

मधेश युवा सँघ कतारको नेपालका लागि अध्यक्ष रहेका समाजसेवी शम्भु चौधरीको नेतृत्वमा अस्पतालमै पुगेर ऋषी मण्डलको उपचारको लागि सहयोग राशी प्रदान गरेको हो ।

ऋषीको फोक्सोको क्यानसर भएको र उनको अवस्था नाजुक रहेको अवस्था बुझेपछि मधेश युवा संघले तत्कालै उनलाई २५ हजार रुपैयाँ सहयोग गरेको हो ।

नेपालको लागि सँघको सँयोजक एवम् समाजसेवी गणेश साह तथा सुरेन्द्र सूर्या को विशेष उपस्थितिमा डाक्टर ऋषी मण्डलको श्रीमतिलाई सो सहयोग राशी प्रदान गरेको हो ।

ऋषी मण्डलको उपचारको लागि उनको बुवाले भएभरको सम्पति बेचिदिएका छन् भने बस्नको लागि सम्पतिको नाम अब एक घर मात्र बाँकी रहेको छ ।

पेशाले सेवा निवृत शिक्षक रहेका ऋषीका बुवाले जागिरे जीवनको सबै सम्पति समेत ऋषीको उपचारमा लगाईदिएको छ । विभिन्न सँघसँस्था तथा व्यक्तिहरुले उनलाई सहयोग गर्दै आएको छ ।

उनको उपचारको क्रममा सेवा उनकी श्रीमति दिनरात अस्पतालमै बस्न बाध्य छिन् । उनको परिवारजनले विभिन्न ठाउँबाट रकम सहयोग गरी ऋषीलाई बचाउनको लागि आग्रह गरिएको छ ।

उनको उपचारको लागि निरन्तर विभिन्न स्थानबाट सहयोगको क्रम जारी रहेको छ । उनलाई सीधा बैँक खातामा सहयोग गर्ने गरिएको छ । उनको बैँक खाताको विवरण यस प्रकार छनः

Bank Name : Bank Of Kathamandu

A/c Name : Rishi Kumar Mandal

A/c Number : 071200000339524

Branch : Janakpur