धनुषाका डा. ऋषी मण्डल बचाउको लागि अभियान, विभिन्न तहबाट सहयोग जारी

न्यूज ब्यूरो, जनकपुरधाम । धनुषा जिल्लाका एक युवा डाक्टर जीवन र मृत्यूसँग अस्पतालमा जुधिरहेको अवस्थामा उनलाई बचाउनको लागि अभियान सुरु गरिएको छ ।

धनुषाको कमला नगरपालिका वडा नम्बर २ सराबे टोल स्थायी निवासी धर्मा अवतार मण्डलका कान्छो छोरा डा. ऋषी कुमार मण्डललाई फोक्सोको क्यान्सर भएपछि उनलाई बचाउने प्रयास स्वरुप अभियान थालिएको छ ।

पेशाले अवकाश प्राप्त प्रधानाध्यापक रहेका धर्मा अवतार मण्डलले डाक्टर छोरा ऋषी कुमार मण्डललाई बचाउनको लागि भएभरको सम्पति पनि बेचिदिएका छन् ।

फोक्सोको क्यानसर कारण ऋषीलाई दुई शरिरको पुरै रगत परिवर्तन गरिएको छ भने अहिलेसम्म ३६ लाख रुपैयाँ खर्च भईसकेको ऋषीका बुवा धर्मा अवतार मण्डलले बताए ।

जनकपुरधामस्थित रामजानकी हस्पिटलमा उपचाररत रहेका ऋषीलाई दैनिक एक पोका (ओ पोजिटिभ O+ve ) रगत चढाउने गरिएको छ । उनको शरिरको पुरै रगत फेर्नु पर्ने आवश्यकता चिकित्सकले औल्याएको छ ।

रामजानकी हस्पिटलमा आईसीयूमा भर्ना रहेको ऋषीलाई थप उपचारको लागि खर्च जुटाउन नसकेर उनका परिवारजनले सबै पक्षसँग आग्रह गरेका छन् ।

यद्यपी, उनलाई उपचारको लागि विभिन्न तह तप्काबाट सहयोगको क्रम जारी रहेको छ । सहयोगको क्रममा रघुनाथपुरका अशोक कुमार यादव २१ हजार रुपैयाँ, कमला नगरपालिका वडा नं. २ माचि झिटकैयाका पुरुषोत्तम कुमार यादव ५ हजार रुपैयाँ, डेन्टल डाक्टर शम्भु शर्मा ५ हजार रुपैयाँ, शहिदनगर नगरपालिका वडा नं. ७ नेमुवाटोल निवासी अशोक कुमार मण्डल ५ हजार रुपैयाँ, शहिदनगर नगरपालिका वडा नम्बर ४ ननुपट्टिका ईन्जिनीयर प्रविन भास्कर मण्डल १० हजार रुपैयाँ सहयोग गरेका छन् ।

उनको उपचारको लागि निरन्तर विभिन्न स्थानबाट सहयोगको क्रम जारी रहेको छ । उनलाई सीधा बैँक खातामा सहयोग गर्ने गरिएको छ । उनको बैँक खाताको विवरण यस प्रकार छनः

Bank Name : Bank Of Kathamandu

A/c Name : Rishi Kumar Mandal

A/c Number : 071200000339524

Branch : Janakpur