धनुषामा ४ किलो चाँदी सहित एक पक्राउ

न्यूज ब्यूरो ||
जनकपुरधाम, १४ चैत्त । भारतबाट नेपाल ल्याउँदै गरेको ४ किलो अबैद्य चाँदी सहित एक जनालाई धनुषा प्रहरीले पक्राउ गरेको छ ।

पक्राउ पर्नेमा जनकपुर उपमहानगरपालिका वडा नं. ८ बस्ने ४० बर्षिय सँजय ठाकुर रहेको जनाईएको छ ।

क्राईम ब्रान्च प्रमुख किस्मत भण्डारीको कमाण्डमा खटि गएको टोलीले ठाकुरलाई जनकपुर उपमहानगरपालिका वडा नं. १५ रामपुर रोडबाट पक्राउ गरिएको प्रमुख भण्डारीले न्यूज ब्यूरोसँग भने ।

ठाकुरलाई पक्राउ गरी आवश्यक अनुसन्धान थालिएको जनाइएको छ ।